Yuzvendra Chahal On Rohit Sharma: ఇటీవల ఫామ్ కోల్పోయి పేలవ ప్రదర్శన చేసిన భారత స్పిన్నర్ యుజ్వేందర్ చాహల్.. ఆదివారం వెస్టిండీస్తో జరిగిన వన్డే మ్యాచ్తో 4వికెట్లు తీసి మళ్లీ ఫామ్లోకి వచ్చినట్లు కనిపిస్తున్నాడు. ఆ మ్యాచ్ అనంతరం మాట్లాడిన చాహల్.. దక్షిణాఫ్రికా పర్యటన నుంచి తాను చేసిన తప్పులను సరి చేసుకుంటున్నాని తెలిపాడు. ఎక్కువ గూగ్లీలు వేయాల్సిన ప్రాముఖ్యతను అర్థం చేసుకున్నట్లు చాహల్ చెప్పాడు.
ఇందులో కెప్టెన్ రోహిత్ శర్మ పాత్ర ఉన్నట్లు చెప్పుకొచ్చాడు. ప్రాక్టీస్ సమయంలో రోహిత్ ఇచ్చిన సలహాలు వెస్టిండీస్తో మ్యాచ్లో తన బౌలింగ్ శైలీలో చిన్నచిన్న మార్పులు చేసినట్లు వెల్లడించాడు.
"నెట్ ప్రాక్టీస్ చేస్తున్న సమయంలో ఎక్కువ గూగ్లీ వేస్తే నా బౌలింగ్ ప్రభావంతంగా ఉంటుందని రోహిత్ చెప్పాడు. వెస్టిండీస్ మ్యాచ్లో అదే చేశాను. విండీస్ బ్యాట్స్మన్ కీరన్ పొలార్డ్ బ్యాటింగ్ వచ్చినప్పుడు తాము ప్లాన్ చేసినట్లు ఫుల్ లెంగ్త్ బంతి విసరమని చెప్పారు. లెంగ్త్ సరిగా లేకుంటే 80 శాతం సిక్సర్ కొట్టే అవకాశాలు ఉన్నాయని నాకు తెలుసు" అంటూ చాహల్ తెలిపాడు.
'నువ్వు కీలకమైన ప్లేయర్'
తాను భారత్ జట్టుకు కీలకమైన ఆటగాడనని.. మైదానంలోకి అడుగుపెట్టినప్పుడల్లా రోహిత్ తనతో చెబుతుంటాడని చాహల్ గుర్తు చేశాడు.
"నువ్వు చాలా కీలకమైన ఆటగాడివి. అదే మనస్తత్వంతో ఆడాలని నేను నీకు చెబుతాను. హెచ్చు తగ్గులు ఉంటాయి.. కానీ సరైన ఆత్మవిశ్వాసంతో ఆడటం చాలా కీలకం" అని రోహిత్ చెప్పిటన్లు చాహల్ పేర్కొన్నాడు.
విండీస్ తొలివన్డేలో భాగంగా 20వ ఓవర్లో రంగంలోకి దిగిన చాహల్.. 4 వికెట్లు పడగొట్టి.. 1000వ వన్డేలో భారత్ విజయంలో కీలక పాత్ర పోషించాడు.
ఇవీ చూడండి: IND vs WI: 'గేమ్లో టాస్ కీలక పాత్ర పోషించింది'
