ప్రపంచ టెస్ట్ ఛాంపియన్షిప్ ఫైనల్ మ్యాచ్లో వర్షం కారణంగా నాలుగో రోజు ఆట తుడిచిపెట్టుకుపోయింది. ఒక్క బంతి పడకుండానే ఆటను రద్దు చేస్తున్నట్లు అంపైర్లు ప్రకటించారు.
వెలుతురులేమి కారణంగా మూడో రోజు ఆట తొందరగా ముగిసే సమయానికి న్యూజిలాండ్ రెండు వికెట్ల నష్టానికి 101 పరుగులు చేసింది. రాస్ టేలర్, విలియమ్సన్ క్రీజులో ఉన్నారు. టీమ్ఇండియా బౌలర్లు ఇషాంత్, ఆశ్విన్ చెరో వికెట్ తీశారు. అంతకుముందు తొలి రోజు కూడా ఆట వర్షార్పణమైపోయింది. రెండో రోజు ప్రారంభం కాగా. టాస్ ఓడి బ్యాంటింగ్ కు దిగిన కోహ్లీసేన.. మొత్తం మీద 217 పరుగులకు ఆలౌట్ అయ్యింది.
మరో ఒక్క రోజు ఆట మాత్రమే నిలిచి ఉన్న నేపథ్యంలో ఈ మ్యాచ్లో ఫలితం వచ్చేది అనుమానంగానే మారింది. ఆరో రోజైనా రిజర్వ్ డేను ఉపయోగించుకున్నా విజేత ఎవరో తేలడం దాదాపు అసాధ్యమనే చెప్పాలి.
మరోవైపు సామాజిక మాధ్యమాల వేదికగా క్రికెట్ అభిమానులు, నెటిజెన్లు తీవ్ర అసంతృప్తి వ్యక్తం చేస్తున్నారు. ఇంగ్లాండ్ వాతావరణ పరిస్థితులు, ఐసీసీపై మీమ్స్, ట్రోల్స్ చేస్తున్నారు.
ఇదీ చదవండి: 'ఫైనల్ మ్యాచ్లు ఇంగ్లాండ్లో పెట్టొద్దు బాబోయ్'
