సాహాకు నెగిటివ్​.. ఇంగ్లాండ్​ పర్యటనకు సిద్ధం!

టీమ్ఇండియా వికెట్ కీపర్​ వృద్ధిమాన్ సాహా కరోనా నుంచి కోలుకున్నాడు. తాజాగా ఇతడికి కరోనా నెగిటివ్​ రాగా దిల్లీ నుంచి కోల్​కతాలోని తన ఇంటికి చేరుకున్నాడు.

ఇటీవలే కరోనా బారినపడిన టీమ్ఇండియా వికెట్ కీపర్ వృద్ధిమాన్ సాహా కోలుకున్నాడు. దీంతో త్వరలో జట్టుతో కలిసి ఇతడు ఇంగ్లాండ్ బయలుదేరే అవకాశం ఉన్నట్లు తెలుస్తోంది. కరోనా కారణంగా ఐపీఎల్ ముగిశాక దిల్లీలో క్వారంటైన్​లో ఉన్న సాహా కోలుకుని కోల్​కతాలోని తన ఇంటికి చేరుకున్నాడు.

ఇంగ్లాండ్​ టూర్​ కోసం బయల్దేరనున్న టీమ్ఇండియా ఆటగాళ్లు ముందుగా ముంబయిలో క్వారంటైన్​లో ఉండనున్నారు. ఈ బయోబబుల్​లోకి వెళ్లాలంటే సాహాకు మరో ఆర్​టీ పీసీఆర్ టెస్టులో నెగిటివ్​ రావాల్సి ఉంటుంది.