పాకిస్థాన్ క్రికెట్ బోర్డు ఛైర్మన్ పదవిపై లెజెండరీ పేసర్ వసీమ్ అక్రమ్కు కూడా ఆసక్తి ఉండేదని పీసీబీ వర్గాలు తెలిపాయి. పాక్ ప్రధాని ఇమ్రాన్ ఖాన్.. రమీజ్ రాజాను పీసీబీ ఛైర్మన్గా ఎంపిక చేయడానికి ముందు అక్రమ్ ఆ పదవిపై ఆసక్తిగా ఉన్నట్లు తెలిపాడని స్పష్టం చేశాయి.
"ఛైర్మన్ పదవిపై ఆసక్తి చూపిన వారిలో వసీమ్ అక్రమ్ కూడా ఒకరు. కానీ, ప్రధాని ఇమ్రాన్ ఖాన్.. రమీజ్ను బెటర్ ఛాయిస్గా భావించారు. అందుకే ఆయనని ఛైర్మన్గా ఎంపిక చేశారు" అని పీసీబీ వర్గాలు పేర్కొన్నాయి.
తొలుత ఎహ్సాన్ మణి స్థానంలో వసీమ్ అక్రమ్ ఛైర్మన్ కానున్నట్లు వార్తలు వచ్చాయి. కానీ, గతంలో మ్యాచ్ ఫిక్సింగ్ ఆరోపణలు ఎదుర్కొన్న తరుణంలో అక్రమ్ను పక్కకు పెట్టాల్సి వచ్చిందని పీసీబీ వర్గాలు భావిస్తున్నాయి. 1990 నుంచి 2000 మధ్య అక్రమ్ సహా పలు పాకిస్థానీ క్రికెటర్లు ఈ ఆరోపణలు ఎదుర్కొన్నారు.
ప్రస్తుతం అక్రమ్ పీసీబీ క్రికెట్ కమీటీలో కీలక సభ్యుడిగా ఉన్నాడు. కరాచీ కింగ్స్కు కోచ్గా, డైరెక్టర్గా పనిచేస్తున్నాడు.
ఇదీ చదవండి:
