Virat Kohli: 'కుంబ్లే వల్ల యువ క్రికెటర్లు బెదిరిపోయారు: కోహ్లీ'

Virat Kohli: భారత జట్టు మాజీ ప్రధాన కోచ్​ అనిల్ కుంబ్లే- మాజీ సారథి విరాట్​ కోహ్లీ వివాదంపై ఆసక్తికర విషయం తెరపైకి వచ్చింది. కుంబ్లే వ్యవహార శైలితో జట్టులోని యువ ఆటగాళ్లు భయపడినట్లు కోహ్లీ తనతో చెప్పాడని వెల్లడించారు కమిటీ ఆఫ్ అడ్మినిస్ట్రేటర్స్​కు అధ్యక్షుడిగా వ్యవహరించిన వినోద్ రాయ్. ఇంకా ఈ వివాదం గురించి ఏమన్నారంటే..

Virat Kohli: టీమ్​ఇండియా మాజీ కెప్టెన్ విరాట్ కోహ్లీ- మాజీ హెడ్​ కోచ్ అనిల్ కుంబ్లే వివాదం మరోసారి తెరపైకి వచ్చింది. కమిటీ ఆఫ్​ అడ్మనిస్ట్రేటర్స్​కు (సీఓఏ)​ అధ్యక్షుడిగా పనిచేసిన వినోద్ రాయ్​.. ఈ అంశం గురించి తన పుస్తకం 'నాట్ జస్ట్​ ఏ నైట్​వాచ్​మెన్'​లో ప్రస్తావించారు. కుంబ్లే వ్యవహారశైలితో యువ ఆటగాళ్లు బెదిరిపోయారని కోహ్లీ తనతో చెప్పినట్లు వినోద్ అందులో పేర్కొన్నారు.

టీమ్​ఇండియా హెడ్​కోచ్​గా లెజెండరీ స్పిన్నర్​ ఉన్న సమయంలో అతడి విధానాలతో కోహ్లీ సంతృప్తిగా లేడని సమాచారం. క్రికెట్ అడ్వైజరీ కమిటీలో ఉన్న దిగ్గజాలు సచిన్, గంగూలీ, వీవీఎస్ లక్ష్మణ్​.. కుంబ్లే-విరాట్ మధ్య సయోధ్య కుదిరించాలని ప్రయత్నించినా సఫలం కాలేదు. దీంతో 2017 ఛాంపియన్స్​ ట్రోఫీ ఫైనల్​ తర్వాత.. హెడ్​కోచ్​ పదవి నుంచి తప్పుకొన్నాడు కుంబ్లే.

"కెప్టెన్ (కోహ్లీ), టీమ్​మేనేజ్​మెంట్​తో మాట్లాడినప్పుడు.. కుంబ్లే చాలా క్రమశిక్షణాపరుడని అర్ధమైంది. దీంతో ఆటగాళ్లు అతడితో సంతృప్తిగా లేరని తెలిసింది. విరాట్​తో మాట్లాడినప్పుడు.. యువ క్రికెటర్లు కుంబ్లే శైలితో భయపడుతున్నారని చెప్పాడు."

-వినోద్ రాయ్, సీఓఏ మాజీ అధ్యక్షుడు

ఈ వ్యవహారం ముగిసిన తీరు పట్ల కుంబ్లే చాలా అసంతృప్తి వ్యక్తంచేసినట్లు వినోద్ తన పుస్తకంలో పేర్కొన్నారు. "తనకు తగిన గౌరవం ఇవ్వకుండా, తన పట్ల అన్యాయంగా వ్యవహరించారని కుంబ్లే భావించాడు. ఒక కెప్టెన్​ లేదా జట్టుకు అంత ప్రాధాన్యం ఇవ్వకూడదని అనుకున్నాడు." అని రాయ్​ తెలిపాడు.

ఇదీ చూడండి: