అంతర్జాతీయ క్రికెట్ మండలి(ఐసీసీ).. తాజా టెస్టు ర్యాంకింగ్స్ను బుధవారం ప్రకటించింది. బ్యాట్స్మెన్ విభాగంలో టాప్-10 ముగ్గురు భారత ఆటగాళ్లు ఉన్నారు. శ్రీలంక కెప్టెన్ దిముత్ కరుణరత్నె తన స్థానాన్ని మెరుగుపరుచుకుని 712 పాయింట్లతో 11వ ర్యాంకులో నిలిచాడు. బంగ్లాదేశ్పై రెండో టెస్టు గెలిచిన తర్వాత ర్యాంకింగ్స్లో మెరుగుపడ్డాడు. టీమ్ఇండియా సారథి కోహ్లీ ఐదో స్థానంలోనే కొనసాగుతుండగా.. పంత్(747) ఆరో స్థానానికి , రోహిత్ ఎనిమిదో స్థానానికి చేరుకున్నారు. న్యూజిలాండ్ సారథి కేన్ విలియమ్స్న్ అగ్రస్థానాన్ని కాపాడుకోగా, స్మిత్, లబుషేన్, రూట్.. రెండు, మూడు నాలుగు ర్యాంకుల్లో కొనసాగుతున్నారు.
బౌలింగ్ విభాగంలో ప్యాట్ కమిన్స్(908 పాయింట్లు) తొలి స్థానాన్ని, రవిచంద్రన్ అశ్విన్(850) రెండో ర్యాంకును పదిలపరుచుకున్నారు.
ఆల్రౌండర్ విభాగంలో జేసన్ హోల్డర్(423 పాయింట్లు) టాప్లో ఉండగా, స్టోక్స్(393), జడేజా(386), అశ్విన్(353) వరుసగా రెండు, మూడు, నాలుగు స్థానాల్లో ఉన్నారు.
