Kohli insta 200 millions: టీమ్ఇండియా మాజీ కెప్టెన్ కోహ్లీ మరో సూపర్ రికార్డు సాధించాడు. అయితే ఈ సారి మైదానంలో కాకుండా సోషల్మీడియాలో. ఇన్స్టాగ్రామ్లో సరికొత్త రికార్డు సృష్టించాడు. ఇన్స్టాలో 200 మిలియన్ల ఫాలోవర్లను సంపాదించుకున్న తొలి భారతీయ వ్యక్తిగా నిలిచాడు. ప్రపంచంలోని క్రీడాకారుల జాబితాలో మూడో స్థానానికి చేరుకున్నాడు. తొలి రెండు స్థానాల్లో స్టార్ ఫుట్బాలర్స్ క్రిస్టియానో రొనాల్డో(451), లియోనల్ మెస్సీ(334) కోహ్లీ కన్నా ముందు ఉన్నారు. తనను 200 మిలియన్ల మంది ఫాలో అవుతుండటంపై హర్షం వ్యక్తం చేశాడు కోహ్లీ. అందరికీ ధన్యవాదాలు తెలిపాడు.
కాగా టీ20 ప్రపంచకప్‌ 2021 తర్వాత పొట్టి ఫార్మాట్‌ సారథ్య బాధ్యతల నుంచి వైదొలిగిన కోహ్లీని... ఆ తర్వాత బీసీసీఐ వన్డే కెప్టెన్సీ నుంచి కూడా తప్పించింది. ఇక దక్షిణాఫ్రికా పర్యటనలో భారత్ ఘోర పరాజయం నేపథ్యంలో టెస్టు సారథ్య బాధ్యతల నుంచి విరాట్ తప్పుకొన్నాడు. ఈ క్రమంలో రోహిత్‌ శర్మకు కెప్టెన్సీ దక్కగా.. కోహ్లీ ఆటగాడిగా కొనసాగుతున్నాడు.
ఇదీ చూడండి: అది భారత జట్టుకు కూడా ప్రయోజనమే: ద్రవిడ్
