Travis Head Corona: యాషెస్లో కరోనా కలకలం రేపుతోంది. తాజాగా ఆస్ట్రేలియా బ్యాటర్ ట్రెవిస్ హెడ్కు పాజిటివ్గా నిర్ధరణ అయింది. దీంతో అతడు నాలుగో టెస్టుకు దూరమయ్యాడు. తొలి టెస్టులో సెంచరీతో ఆసీస్ విజయంలో కీలకపాత్ర పోషించాడు హెడ్.
"దురదృష్టవశాత్తు హెడ్కు కరోనా పాజిటివ్గా తేలింది. ప్రస్తుతం అతడిలో ఎలాంటి లక్షణాలు కనిపించడం లేదు. ఐదో టెస్టులో ఆడతాడని భావిస్తున్నాం" అని ఆస్ట్రేలియా క్రికెట్ బోర్డు ఓ ప్రకటనలో తెలిపింది.
హెడ్ గైర్హాజరితో మిచెల్ మార్ష్, నిక్ మాడిన్సన్, జోష్ ఇంగ్లిస్కు జట్టు నుంచి పిలుపొచ్చింది. కానీ రిజర్వ్ ప్లేయర్గా కొనసాగుతున్న ఉస్మాన్ ఖవాజాకే నాలుగో టెస్టు తుదిజట్టులో ఇతడి స్థానంలో చోటు దక్కే అవకాశం ఉంది.
ఇప్పటికే యాషెస్లో ఏడుగురికి పాజిటివ్గా తేలింది. ముగ్గురు సహాయ సిబ్బందితో పాటు నలుగురు కుటుంబ సభ్యులకు కరోనాగా నిర్ధరణ అయింది. కానీ టోర్నీలో ఓ ఆటగాడికి పాజిటివ్ రావడం ఇదే తొలిసారి.
యాషెస్ సిరీస్లో వరుసగా మూడు విజయాలతో ట్రోఫీని రిటెయిన్ చేసుకుంది ఆస్ట్రేలియా. నాలుగో టెస్టు జనవరి 5న సిడ్నీ వేదికగా ప్రారంభంకానుంది. చివరి టెస్టు 14 నుంచి 18 వరకు హోబర్ట్ మైదానంలో జరగనుంది.
