IPL 2023 Mini Auction : ఐపీఎల్ 2023 మినీ వేలానికి సమయం ఆసన్నమైంది. డిసెంబర్ 23న కొచ్చి వేదికగా జరగనున్న ఈ వేలంలో 405 మంది ప్లేయర్లు తమ అదృష్టాన్ని పరీక్షించుకోనున్నారు. అందులో కేవలం 87 ఖాళీలను మాత్రమే ఫ్రాంచైజీలు భర్తీ చేసుకోనున్నాయి. మిగతా 318 ప్లేయర్లు అన్సోల్డ్గా మిగిలిపోనున్నారు.
అయితే మొదట 991 మంది వేలానికి రిజిస్టర్ చేసుకున్నారు. అందులోంచి ఫ్రాంచైజీల ఇంట్రెస్ట్ ప్రకారం లిస్టును 405కు కుదించారు. అందులో టాప్ విదేశీ ప్లేయర్లు మెహెడి, మార్టిన్ గప్తిల్, కోలిన్, బెన్ కట్టింగ్లకు చోటు దక్కలేదు. దాంతో పాటు ఈ టాప్ ఇండియన్ ప్లేయర్స్కు కూడా ఆ జాబితాలో చోటు లభించలేదు.
1. కేదార్ జాదవ్
బెంగుళూరు ఆల్రౌండర్ కేదార్ జాదవ్ కూడా ఐపీఎల్ మినీ వేలంలో ప్లేయర్ల జాబితాలో లేడు. చివరి సారిగా జాదవ్.. 2020లో న్యూజిలాండ్తో జరిగిన వన్డే మ్యాచ్లో ఆడాడు. అప్పటి నుంచి పేలవ ప్రదర్శన కనబర్చాడు. ఐపీఎల్లో 80 ఇన్నింగ్స్లో 22.15 సగటుతో 1196 పరుగులు సాధించిన రికార్డు కూడా.. ఫ్రాంచైజీలు అతడిని పరిగణనలోకి తీసుకోకుండా ఆపలేదు. ఇంతక ముందు దిల్లీ క్యాపిటల్స్, కొచ్చి టస్కర్స్ కేరళ, బెంగుళూరు, సీఎస్కే, సన్రైజర్స్ తరఫున ఆడిన జాదవ్.. 2022 ఐపీఎల్ మెగా వేలంలో అమ్ముడు పోలేదు. ఆ తర్వాత మినీ వేలం జాబితాలో కూడా ఫ్రాంచైజీలు అతడిని పరిగణలోకి తీసుకోలేదు.
2. ఛెతేశ్వర్ పుజారా
ఇటీవల బంగ్లాతో జరిగిన టెస్టు సెంచరీలో అద్భుత ప్రదర్శన చేసిన పుజారా.. ఈసారి వేలంలో పాల్గొనలేదు. చివరగా 2014లో పంజాబ్ కింగ్స్ తరఫున ఆడాడు పుజారా. 2021లో సీఎస్కే తీసుకున్నా.. ఒక్క మ్యాచ్లో కూడా ఆడించలేదు. 2022లో కూడా పుజారా అమ్ముడు పోలేదు. దీంతో ఈసారి వేలానికి రిజిస్టర్ చేసుకోలేదు. ఇంతకముందు పుజారా.. పంజాబ్ కింగ్స్, బెంగుళూరు, కోల్కతా, సీఎస్కే తరఫున జట్లకు ప్రాతినిధ్యం వహించాడు.
3. హనుమ విహారి
టీమ్ఇండియా టెస్టు క్రికెట్ కీలక ఆటగాడు హనుమ విహారి. ఇతడు కూడా ఈసారి మినీ వేలానికి రిజిస్టర్ చేసుకోలేదు. ఇంతవరకు ఐపీఎల్లో 2019లో దిల్లీ క్యాపిటల్స్కు ఆడాడు. ఆ తర్వాత సన్రైజర్స్ హైదరాబాద్ తరఫున ఆడాడు. ఇప్పటివరకు ఐపీఎల్లో 23 ఇన్నింగ్స్ ఆడిన హనుమ విహారి.. 14.2 సగటు, 88.47 స్ట్రైక్ రేట్తో 284 పరుగులు చేశాడు.
