ICC T20 Rankings 2022 : ఆస్ట్రేలియాతో సిరీస్ గెలిచి ఉత్సాహం మీద ఉంది టీమ్ ఇండియా. తాజాగా మరో వార్త భారత జట్టును, టీమ్ ఇండియా అభిమానులను ఆనందంలో ముంచెత్తింది. ఐసీసీ ప్రకటించిన టీ20 ర్యాంకింగ్స్లో మొదటి స్థానంలో నిలిచింది టీమ్ ఇండియా.
హైదరాబాద్ వేదికాగా భారత్-ఆసీస్ సిరీస్ జరిగిన ఆఖరి మ్యాచ్లో టీమ్ ఇండియా అద్భుత ప్రదర్శన చేసింది. ఆరు వికెట్ల తేడాతో విజయం సాధించింది. నాగ్పుర్ ఓటమికి ప్రతీకారంగా తర్వాతి రెండు మ్యాచ్లు గెలిచి సిరీస్ను 2-1 తేడాతో కైవసం చేసుకుంది.
దీంతో టీమ్ ఇండియా 268 పాయింట్లకు చేరింది. తర్వాతి స్థానంలో ఇంగ్లాండ్ నిలిచింది. వరల్డ్ కప్ రానున్న తరుణంలో సౌత్ ఆఫ్రికాతో సెప్టెంబర్ 28 నుంచి జరగనున్న సిరీస్లో ఇలాంటి ప్రదర్శన చేసి ర్యాంకింగ్ లీడ్ను కొసాగించే అవకాశం టీమ్ ఇండియాకు ఉంది. ఆదివారం పాకిస్థాన్-ఇంగ్లాడ్ మధ్య జరిగిన మ్యాచ్లో ఇంగ్లాడ్ ఓడిపోవడం.. ఇండియా ర్యాంకింగ్ మెరుగు పడటానికి కలిసొచ్చింది.
ఐసీసీ ప్రకటించిన ర్యాంకింగ్స్ పాయింట్ల వారీగా:
| దేశం | మ్యాచ్లు | పాయింట్లు | రేటింగ్ |
| భారత్ | 52 | 13,939 | 268 |
| ఇంగ్లాండ్ | 38 | 9,936 | 261 |
| సౌత్ ఆఫ్రికా | 34 | 8,787 | 258 |
| పాకిస్థాన్ | 40 | 10,328 | 258 |
| న్యూజిలాండ్ | 38 | 9,594 | 252 |
| ఆస్ట్రేలియా | 39 | 9,761 | 250 |
ఇవీ చదవండి: వైట్బాల్ క్రికెట్లో కోహ్లీ రికార్డు.. టీ20ల్లో ఈ ఏడాది ఛాంపియన్ అతడే..
'మీరు చేస్తే ఒప్పు.. మేము చేస్తే తప్పా'.. ఏది క్రీడా స్ఫూర్తి?
