లార్డ్స్ టెస్టు మూడో రోజు టీ విరామ సమయానికి ఆతిథ్య ఇంగ్లాండ్ 314/5 పరుగులు చేసింది. క్రీజులో రూట్ (132*), మొయిన్ అలీ (20*) పరుగులతో నిలిచారు. టీమ్ఇండియా బౌలర్లలో సిరాజ్ 3, షమి, ఇషాంత్ తలో వికెట్ తీశారు.
216/3తో లంచ్ విరామానికి వెళ్లిన ఇంగ్లాండ్.. కాసేపటికే బెయిర్ స్టో వికెట్ను కోల్పోయింది. నాలుగో వికెట్కు రూట్తో కలిసి 121 పరుగులు జోడించిన బెయిర్ స్టోను సిరాజ్ పెవిలియన్ పంపాడు. అనంతరం బ్యాటింగ్కు దిగిన జోస్ బట్లర్ సారథి రూట్కు సహకరించాడు. ఐదో వికెట్కు వీరిద్దరూ కలిసి 54 పరుగుల భాగస్వామ్యం నమోదు చేశారు. ప్రమాదకరంగా మారుతున్న ఈ జంటను ఇషాంత్ విడదీశాడు. ఓ చక్కటి బంతితో బట్లర్ను క్లీన్ బౌల్డ్గా వెనక్కి పంపాడు. అనంతరం క్రీజులోకి మొయిన్ అలీ వచ్చాడు.
