T20 Blast 2023 : ఇంగ్లాండ్ వేదికగా జరగుతున్న టీ20 బ్లాస్ట్ లీగ్లో విండీస్ ఆల్రౌండర్ సునీల్ నరైన్ ఆకాశమే హద్దుగా చెలరేగాడు. ఆదివారం ఎసెక్స్ జట్టుతో జరిగిన మ్యాచ్లో రెచ్చిపోయి 37 బంతుల్లోనే 78 పరుగులు చేశాడు. ఈ ఇన్నింగ్స్లో 6 సిక్సర్లు, 7 ఫోర్లు బాదాడు. బౌండరీల ద్వారానే నరైన్ 64 పరుగులు సాధించాడు. అతడి విధ్వసంతో సర్రె జట్టు 20 ఓవర్లలో 6 వికెట్ల నష్టానికి 195 పరుగులు చేసింది. అనంతరం 196 లక్ష్య ఛేదనలో దిగిన ఎసెక్స్ ఆదిలోనే వికెట్ కోల్పోయినా.. మరో ఓపెనర్ లారెన్స్ (58), మైఖెల్ పెప్పర్ (75) వీరోచితంగా పోరాడిల తమ జట్టుకు విజయాన్ని అందించారు.
లాస్ట్ బాల్కు సిక్స్..
ఎసెక్స్ విజయానికి ఆఖరి రెండు ఓవర్లలో 16 పరుగులు కావాల్సివచ్చింది. అయితే వారి విజయం సులువే అనుకున్న తరుణంలో 19వ ఓవర్ వేసిన క్రిస్ జోర్డన్.. కేవలం ఆరు పరుగులే ఇచ్చాడు. ఇక చివరి ఆరు బంతులకు 8 పరుగులు అవసరమయ్యాయి. 20వ ఓవర్లో మొదటి ఐదు బంతులకు ఐదు పరుగులే వచ్చాయి. దీంతో ఉత్కంఠ పెరిగింది. చివరి బంతికి మూడు పరుగులు కావాల్సిన దశలో ఎసెక్స్ బ్యాటర్ ఫెరోజ్‌ ఖుషీ అద్భుతమైన సిక్స్ కొట్టి జట్టును విజయతీరాలకు చేర్చాడు. మ్యాచ్లో సర్రె జట్టు ఓడినప్పటికీ అద్భుత ప్రదర్శన చేసిన నరైన్కే మ్యాన్ ఆఫ్ ది మ్యాచ్ అవార్డు దక్కింది. కాగా జూలై 15న ఎడ్జ్బాస్టన్ వేదికగా ఫైనల్ మ్యాచ్ జరగనుంది.
TNPL 2023 : తమిళనాడు ప్రీమియర్ లీగ్ 2023లో భాగంగా ఆదివారం మధురై పాంథర్స్, కోవై కింగ్స్ జట్లు తలపడ్డాయి. ఈ మ్యాచ్లో కోవై కింగ్స్ జట్టు కెప్టెన్ షారుక్ ఖాన్ 20 బంతుల్లోనే హాఫ్ సెంచరీ (23 బంతుల్లో 53 : 6x4, 3x6) చేశాడు. బౌలర్లపై బౌండరీలతో విరుచుకుపడ్డాడు. దీంతో నిర్ణీత 20 ఓవర్లలో కోవై కింగ్స్ 208 పరుగులు చేసింది. అటు బౌలింగ్లోనూ ఆల్రౌండ్ ప్రదర్శన కనబర్చి.. ప్రత్యర్థి బ్యాటర్లను కట్టడి చేశాడు షారుక్ ఖాన్. మధురై 164 పరుగులకే ఆలౌట్ అయ్యింది. దీంతో కోవైకింగ్స్ 44 పరుగుల తేడాతో విజయం సాధించింది.
ఛేదనను మధురై ఘనంగానే ఆరంభించినా.. ఆఖర్లో ఆ జట్టు బ్యాటర్లు లయ తప్పారు. 10 ఓవర్లకు మధురై 2 వికెట్ల నష్టానికి 95 పరుగులతో పటిష్ఠమైన స్థితిలో నిలిచింది. కానీ ఆ తర్వాతే కోవై బౌలర్లు విజృంభించారు. కేవలం ఎనిమిది ఓవర్లలో 69 పరుగులు ఇచ్చినప్పటికీ.. క్రమం తప్పకుండా వికెట్లు పడగొట్టడం వల్ల విజయం కోవైను వరించింది. ఆల్రౌండ్ ప్రదర్శన కనబర్చిన కెప్టెన్ షారుక్ ఖాన్కు మ్యాన్ ఆఫ్ ది మ్యాచ్ అవార్డు లభించింది. కాగా ఈ విజయంలో కోవై కింగ్స్ టేబుల్ టాపర్గా కొనసాగుతోంది. జూలై 12న ఫైనల్ జరగనుంది.
