లంక ప్రీమియర్​ లీగ్​లో​ ఇర్ఫాన్.. కాంట్రాక్ట్​పై సంతకం

లంక ప్రీమియర్ లీగ్​లో ఆడనున్న ఇర్ఫాన్ పఠాన్.. కాంట్రాక్టుపై సంతకం చేసేశాడు. అతడు లీగ్​లో ఆడుతుండటంపై జట్టు యజమాని, టోర్నీ డైరెక్టర్ ఆనందం వ్యక్తం చేశారు.

లంక ప్రీమియర్​ లీగ్(ఎల్​పీఎల్​)​లో భారత మాజీ ఆల్​రౌండర్​ ఇర్ఫాన్​ పఠాన్​ అడనున్నాడు. క్యాండీ టస్కర్స్​ ఫ్రాంఛైజీ కాంట్రాక్టులో సంతకం చేశాడు. మ్యాచ్​లు ఆడేందుకు ఆత్రుతగా ఎదురుచూస్తున్నట్లు తెలిపాడు.

టస్కర్స్​ జట్టులో వెస్టిండీస్​ దిగ్గజ ఆటగాడు క్రిస్​ గేల్​, లంక ఆటగాళ్లు కుశాల్​ పెరీరా, కుశాల్​ మెండిస్​, నువాన్​ ప్రదీప్​, ఇంగ్లాండ్​​ బౌలర్​​ ప్లంకెట్​​ ఉన్నారు. శ్రీలంక మాజీ సారథి తిలకరత్నే కోచ్​గా వ్యవహరిస్తున్నారు.

ఇర్పాన్ రావడం జట్టుకు ఎనలేని శక్తిని అందిస్తుందని క్యాండీ టస్కర్స్ యజమాని, నటుడు సోహైల్​ ఖాన్ అన్నాడు​. ఇతడి​ రాకతో అభిమానులు సంతోషిస్తారని ఎల్​పీఎల్​ టోర్నీ​ డైరెక్టర్​ రవిన్​ విక్రమరత్నే అభిప్రాయపడ్డారు.

లంక ప్రీమియర్​ లీగ్..​ నవంబర్​ 21 నుంచి డిసెంబర్​ 13 వరకు జరగనుంది. మహేంద్ర రాజపక్సే అంతర్జాతీయ స్టేడియం​​, పల్లెకెల క్రికెట్ మైదానం​లో మ్యాచ్​లు జరగనున్నాయి. మొత్తం ఐదు జట్లు తలపడనున్నాయి.

ఇదీ చూడండి:కెప్టెన్ హాట్ విరాట్​ కోహ్లికి.. ఈ పుట్టిన రోజు డబుల్ ధమాకా!