Women's T20 Challenge: మహిళల టీ20 ఛాలెంజ్లో తొలి మ్యాచ్లోనే ఢిఫెండింగ్ ఛాంపియన్ ట్రయల్బ్లేజర్స్కు షాకిచ్చింది సూపర్నోవాస్. 22 ఏళ్ల పేసర్ పూజా వస్త్రాకర్ 4 వికెట్లతో చెలరేగిన వేళ 49 పరుగుల తేడాతో ఓటమిపాలైంది. కెప్టెన్ స్మృతి మంధాన (34) సహా మరో ఓపెనర్ హేలీ మ్యాథ్యూస్ (18), సోఫియా (1), సల్మా ఖతూన్ (0)ల వికెట్ల తీసి.. సూపర్నోవాస్ విజయంలో కీలక పాత్ర పోషించింది పూజ. దీంతో 114/9 పరుగులకే పరిమితమైంది ట్రయల్బ్లేజర్స్.
అంతకుముందు టాస్ గెలిచి బ్యాటింగ్కు దిగిన సూపర్నోవాస్.. 163/10 పరుగులు చేసింది. ఇది టోర్నీలోనే అత్యధిక స్కోరు. ప్రియా పూనియా (22), డాటిన్ (32), హర్లీన్ దేవోల్ (35), హర్మన్ ప్రీత్ కౌర్ (37) రాణించారు. ట్రైయల్బ్లేజర్స్ బౌలర్లలో హేలీ మ్యాథ్యూస్ 3, సల్మా ఖతూన్ 2, పూనమ్ యాదవ్, గైక్వాడ్ తలో వికెట్ తీశారు.
ఇదీ చూడండి: ఐపీఎల్ ప్లే ఆఫ్స్కు కొత్త రూల్స్.. వర్షం పడితే సూపర్ ఓవర్
