రెండుసార్లు రోహిత్ బ్యాటింగ్​- అఫ్గాన్ అసంతృప్తి!- సూపర్ ఓవర్ రూల్స్ ఏంటంటే?

Super Over Rules Cricket: మూడో టీ20 మ్యాచ్​లో రెండు సూపర్ ఓవర్లలోనూ రోహిత్ బ్యాటింగ్ చేయడం పట్ల అఫ్గానిస్థాన్​ అసంతృప్తి వ్యక్తం చేసింది. ఈ విషయంపై అఫ్గాన్ ఫీల్డ్ అంపైర్లకు ఫిర్యాదు చేసింది. మరి సూపర్ ఓవర్ రూల్స్ ఎలా ఉన్నాయంటే?

Super Over Rules Cricket: బెంగళూరు వేదికగా అఫ్గానిస్థాన్​తో జరిగిన మూడో టీ20లో భారత్ రెండో సూపర్ ఓవర్లో విజయం సాధించింది. దీంతో 2024లో భారత్ తొలి ద్వైపాక్షిక సిరీస్​ను సొంతం చేసుకుంది. ఇక ప్రేక్షకులకు ఆసాంతం వినోదం పంచిన ఈ మ్యాచ్​ ఎప్పటికీ గుర్తుండిపోతుంది. ముఖ్యంగా టీమ్ఇండియా కెప్టెన్ రోహిత్ శర్మ సూపర్ ఇన్నింగ్స్​తో ఆకట్టుకున్నాడు. తొలుత సెంచరీ (121*) నమోదు చేసిన హిట్​మ్యాన్ వరుసగా రెండు సూపర్​ ఓవర్లలో 14, 11 పరుగులు చేసి జట్టు విజయంలో కీలకంగా వ్యవహరించాడు.

అయితే రెండు సూపర్​ ఓవర్లలోనూ రోహిత్ శర్మ బ్యాటింగ్ చేయడం పట్ల అఫ్గాన్ అసంతృప్తి వ్యక్తం చేసింది. దీనిపై ఫీల్డ్ అంపైర్లకు ఫిర్యాదు చేసింది. ఈ వ్యవహారంపై సోషల్ మీడియాలోనూ వీపరీతంగా చర్చలు జరుగుతున్నాయి. కాగా, రోహిత్ ఐసీసీ నిబంధనలకు అనుగుణంగానే వ్యవహరించాడని అంపైర్లు పేర్కొన్నారు. తొలి సూపర్​ ఓవర్​లో రోహిత్ (14) రిటైర్డ్ హర్ట్ అయ్యాడు. అందుకే రెండో సూపర్​ ఓవర్లోనూ రోహిత్ బ్యాటింగ్ చేశాడని అంపైర్లు తెలిపారు.

రూల్స్ ప్రకారం- సూపర్​ ఓవర్ ప్రారంభమయ్యే ముందు ఇరు జట్లు బరిలో దించే ప్లేయర్ల లిస్ట్​ ఇవ్వాలి. అయితే లిస్ట్​లో బ్యాటర్ తొలి సూపర్​ ఓవర్లో బ్యాటింగ్ చేయకపోయినా, నాటౌట్​గా నిలిచినా రెండో సూపర్​ ఓవర్​లో మరోసారి బరిలో దిగవచ్చు. అదే విధంగా రిటైర్డ్ హర్ట్​గా వెనుదిరిగినా ఇదే రూల్ వర్తిస్తుంది. ఈ నిబంధనల ప్రకారమే అఫ్గాన్​తో మ్యాచ్​లో రోహిత్ రెండోసారి బ్యాటింగ్ చేశాడు.

• How #RohitSharma was able to bat again in Super Over 2. He was retired out and that does not count as dismissed ? Attaching rules from wiki.#INDvsAFG Needs clarification #AFGvsIND pic.twitter.com/CjWAkW1eQZ

  — World of Sujith (@worldofsujith88) January 17, 2024 " class="align-text-top noRightClick twitterSection" data="

  How #RohitSharma was able to bat again in Super Over 2. He was retired out and that does not count as dismissed ? Attaching rules from wiki.#INDvsAFG Needs clarification #AFGvsIND pic.twitter.com/CjWAkW1eQZ

  — World of Sujith (@worldofsujith88) January 17, 2024

  ">

  How #RohitSharma was able to bat again in Super Over 2. He was retired out and that does not count as dismissed ? Attaching rules from wiki.#INDvsAFG Needs clarification #AFGvsIND pic.twitter.com/CjWAkW1eQZ

  — World of Sujith (@worldofsujith88) January 17, 2024

మాకు తెలీదు!- ఇదిలా ఉండగా, సూపర్ ఓవర్ నిబంధనల పట్ల అవగాహన లేకపోవడం వల్ల అఫ్గానిస్థాన్ కోచ్ జొనాతన్ ట్రాట్ తాను కన్​ఫ్యూజ్​కు గురైనట్లు తెలిపాడు. 'నాకు రెండు సూపర్ ఓవర్​ల పట్ల ఐడియా లేదు. రెండో సూపర్ ఓవర్లనూ మేం అజ్మతుల్లాతోనే బౌలింగ్ చేయించాలని డిసైడయ్యాం. కానీ, నిబంధనల గురించి తెలిసుకున్నాక ఫరీద్​ను యాక్షన్​లో దింపాం. ఫరీద్ కూడా అద్భుతంగా బౌలింగ్ చేశాడు. ప్రస్తుతం ఉన్న ఈ రూల్స్ బాగున్నాయి. ఈరోజు మా ఆట కూడా సంతృప్తికరంగా ఉంది' అని అన్నాడు.