South Africa vs India: కరోనా నేపథ్యంలో.. దక్షిణాఫ్రికాలో భారత్ చేపట్టనున్న సుదీర్ఘ పర్యటనకు సంబంధించి మార్పులు చేసింది క్రికెట్ సౌత్ ఆఫ్రికా (సీఎస్ఏ). ఈ మేరకు సోమవారం ప్రకటన విడుదల చేసింది. మూడు టెస్టులు, మూడు వన్డేలకు కొత్త తేదీలను ఖరారు చేసింది. ఈనెల 17 నుంచి ప్రారంభం కావాల్సిన టెస్టులు 26 నుంచి.. జనవరి 11 నుంచి జరగనున్న వన్డే సిరీస్ 19వ తేదీ నుంచి జరగనున్నట్లు వెల్లడించింది. బీసీసీఐతో సంప్రదింపులు జరిపిన అనంతరం ఈ నిర్ణయం తీసుకున్నట్లు బోర్డు పేర్కొంది.
తొలుత మూడు టెస్టులు, మూడు వన్డేలు, నాలుగు టీ20లు జరగాల్సి ఉండగా కొవిడ్ నేపథ్యంలో టీ20 సిరీస్ వాయిదా పడింది.
కొత్త షెడ్యూల్..
- తొలి టెస్టు- డిసెంబరు 26-30 - సెంచూరియన్
- రెండో టెస్టు - జనవరి 3-7 - జోహన్నెస్బర్గ్
- మూడో టెస్టు - జనవరి 11-15 - కేప్టౌన్
వన్డే సిరీస్
- మొదటి వన్డే - జనవరి 19 - పార్ల్
- రెండో వన్డే - జనవరి 21 - పార్ల్
- మూడో వన్డే - జనవరి 23 - కేప్టౌన్
ఇదీ చూడండి : న్యూజిలాండ్పై సిరీస్ విజయం.. టెస్టుల్లో అగ్రస్థానానికి భారత్
