Sourav Ganguly Rahul Dravid: టీమ్ఇండియా హెడ్కోచ్ రాహుల్ ద్రవిడ్పై బీసీసీఐ అధ్యక్షుడు సౌరవ్ గంగూలీకి భారీ అంచనాలున్నాయి! రవిశాస్త్రిని భర్తీ చేసినప్పటి నుంచి అతడి నేతృత్వంలో దక్షిణాఫ్రికా పర్యటన మినహా అన్ని ఫార్మాట్లలో భారత్ మంచి ప్రదర్శన చేస్తోంది. ఈ క్రమంలోనే ద్రవిడ్పై ఆసక్తికర వ్యాఖ్యలు చేశాడు దాదా.
"ద్రవిడ్.. క్రికెట్ ఆడే రోజుల్లో ఎంత ఫ్రొఫెషనల్గా, పోటీతత్వంతో, శ్రద్ధగా ఉండేవాడో ఇప్పటికీ అలాగే ఉన్నాడు. ఒక్కటే తేడా. అతడు ఇప్పుడు ఇండియా తరఫున మూడో స్థానంలో ఆడటం లేదు. అయితే కోచ్గా అతడు అసాధారణంగా రాణిస్తాడు. ఎందుకంటే అతడికి అంత నిజాయతీ, ప్రతిభ ఉన్నాయి. అందరిలాగే అతడూ తప్పిదాలు చేసే అవకాశం ఉంది. అయితే సరైన పనుల కోసం ప్రయత్నించే కొద్దీ ఇతరుల కన్నా మెరుగైన విజయాలు సాధిస్తాం."
-సౌరవ్ గంగూలీ, బీసీసీఐ అధ్యక్షుడు
ఆసక్తికరంగా గంగూలీ, ద్రవిడ్ ఒకే టెస్టు మ్యాచ్లో అరంగేట్రం చేశారు. భారత్కు ఎన్నో మరపురాని విజయాలను అందించారు. వ్యక్తిగతంగానూ ఇరువురికి మంచి సాన్నిహిత్యం ఉంది. రిటైర్ అయిన తర్వాత బీసీసీఐ అధ్యక్షుడిగా ఉన్న దాదా.. ద్రవిడ్ భారత ప్రధాన కోచ్గా బాధ్యతలు చేపట్టడంలో కీలక పాత్ర పోషించాడు.
ఇద్దరూ భిన్నమైనవారు: అయితే టీమ్ఇండియా మాజీ హెడ్కోచ్ రవిశాస్త్రి, రాహుల్ ద్రవిడ్లది పూర్తి భిన్నమైన వ్యక్తిత్వాలని గంగూలీ అన్నాడు. "ఇద్దరూ భిన్న వ్యక్తిత్వాలు గల విభిన్న వ్యక్తులు. ఒకరు (శాస్త్రి) ఎల్లప్పుడూ ఆటగాళ్లతో ఉంటూ వారిని ప్రోత్సాహిస్తారు. అదే వారి బలం. మరొకరు ఆల్టైమ్ గ్రేట్ అయినప్పటికీ (ద్రవిడ్) సైలెంట్గా తమ పని తాము చేసుకుంటూ పోతారు." అని దాదా చెప్పాడు.
ఇదీ చదవండి: 'ధోనీ నిర్ణయాలు తీసుకోవడమేంటి?'- జడేజా షాకింగ్ కామెంట్స్!
