Smriti Mandhana WPL 2024 : ఐపీఎల్లో రాయల్ ఛాలెంజర్స్ బెంగళూరు- ఆర్సీబీ జట్టుకు భారీ స్థాయిలో అభిమానుల సపోర్ట్ ఉంది. కానీ 16 సార్లు ప్రయత్నం చేసినా ఆ జట్టుకు టైటిల్ గెలిచే అదృష్టం దక్కలేదు. అయితే గతేడాది ప్రారంభమైన మహిళల ప్రీమియర్ లీగ్లో ఆర్సీబీ అద్భుతమై జట్టుతో బరిలోకి దిగింది. దీంతో ఆర్సీబీ అభిమానుల్లో టైటిల్ ఆశలు మళ్లీ చిగురించాయి. అయితే పేపర్పై జట్టు బలంగానే కనిపించినా మైదానంలో విఫలమై పాయింట్ల పట్టికలో నాలుగో స్థానంలో నిలిచింది.
ఈ విషయంపై తాజాగా ఆర్సీబీ మహిళల జట్టు కెప్టెన్ స్మృతి మంధాన స్పందించింది. తమపై ఎలాంటి ఒత్తిడి లేదని పురుషులు జట్టుకు జరిగిన దాని గురించి తాము ఆలోచించమని తెలిపింది. తమ జట్టు కొత్తదన్న స్మృతి మంధాన 2008 నుంటి ఎదురు చూస్తున్న ఆర్సీబీ అభిమానులకు డబ్ల్యూపీఎల్ 2024 టైటిల్ సాధించి ఆనందాన్ని ఇవ్వడమే తమ లక్ష్యం అని తెలిపింది.
గత రెండేళ్లలో భారత్లో మహిళల క్రికెట్ గణనీయమైన పురోగతి సాధించింది. డబ్ల్యూపీఎల్ ప్రారంభం కావడం, పురుషులతో సమానంగా మహిళా క్రికెటర్లకు వేతనాలు ప్రకటించడం వంటి చారిత్రాత్మక ఘటనలు జరిగాయి. ప్రస్తుతం అభిమానులు మహిళా క్రికెట్ను ప్రత్యేక కోణంలో చూస్తున్నారని స్మృతి మంధాన అభ్రిప్రాయపడింది. అది మహిళా క్రికెట్ పురోగతికి సహాయం చేసిందని చెప్పింది. అయితే గత రెండేళ్లుగా వస్తున్న అభినందనలు, విమర్శలు వల్ల ఫ్యాన్స్ మహిళా క్రికెట్పై ఆసక్తి కనబరుస్తున్నారని అనిపిస్తోందని అభిప్రాయం వ్యక్తం చేసింది.
'గత 7-8 సంవత్సరాలలో (మహిళల క్రికెట్‌లో) భారీగా మార్పు వచ్చింది. కానీ అందులో అతి పెద్ద మార్పు ఏమిటంటే ప్రజలు మహిళల క్రికెట్ను చూస్తున్న విధానం. అది నిజంగా మంచి విషయం. వారు మమ్మల్ని అభినందిస్తున్నారు, విమర్శిస్తున్నారు. ఎందుకంటే వారు మహిళా క్రికెట్ను ఫాలో అవుతున్నారు. ఇది మంచి పరిణామం. WPL, సమాన వేతనం కాకుండా, మహిళల క్రికెట్ను చూసే విధానంలో ఇది ఒక భారీ మార్పు అని నేను భావిస్తున్నాను' అని మంధాన చెప్పింది.
బీసీసీఐ నెట్వర్త్ రూ.18760 కోట్లు- ఆస్ట్రేలియా కన్నా 28 రెట్లు ఎక్కువ
'20 కేజీలు తగ్గితే ఐపీఎల్లో తీసుకుంటా' - అఫ్గాన్ ప్లేయర్పై ధోనీ ఇంట్రెస్టింగ్ కామెంట్స్!
