Siraj News: ప్రస్తుతం టీమ్ఇండియా తరఫున రాణిస్తున్న పేసర్ మహ్మద్ సిరాజ్.. గతంలో దారుణంగా ట్రోల్స్ ఎదుర్కొన్నట్లు వెల్లడించాడు. 2019 ఐపీఎల్లో పేలవ ప్రదర్శనతో.. చాలా మంది క్రికెట్ వదిలేసి తండ్రితో ఆటో నడుపుకోమని అన్నట్లు తెలిపాడు. అప్పుడే ఇక తన కెరీర్ ముగిసిపోయిందని, మహీ ఆ ఒక్క మాట చెప్పకుంటే.. మళ్లీ సిరాజ్ ఇలా ఉండకపోయేవాడని వివరించాడు.
''కోల్కతా నైట్రైడర్స్తో మ్యాచ్లో రెండు బీమర్లు వేశాను. అప్పుడే ట్రోల్స్ ఎదుర్కొన్నా. కానీ ఈ వైఫల్యం వెనుక కారణం ఎవరికీ తెలియదు. అప్పుడే మహీ చెప్పిన విషయం గుర్తొచ్చింది. తన గురించి జనం మాట్లాడుకునేది వినొద్దని, ఇవ్వాళ తిట్టిన వాళ్లే రేపు పొగుడుతారని చెప్పాడు. అందుకే నాకు ఎవరి అభిప్రాయం వద్దు. నేను ఒకప్పటి సిరాజ్లానే ఉన్నా.''
- మహ్మద్ సిరాజ్
2019 ఐపీఎల్ సీజన్లో రాయల్ ఛాలెంజర్స్ బెంగళూరు.. పాయింట్ల పట్టికలో దిగువన నిలిచింది. వరుసగా ఆరు మ్యాచ్ల్లో ఓడిపోయింది. 9 మ్యాచ్లాడిన సిరాజ్.. 10కిపైగా ఎకానమీతో 7 వికెట్లు మాత్రమే తీయగలిగాడు. కోల్కతాపై 2.2 ఓవర్లలోనే 36 పరుగులు ఇచ్చి విమర్శల పాలయ్యాడు సిరాజ్. ఇందులో 5 సిక్సర్లు ఉన్నాయి. ఈ ప్రదర్శనతో కెప్టెన్ కోహ్లీ.. సిరాజ్ బౌలింగ్ను ఓవర్ మధ్యలోనే ఆపివేయడం గమనార్హం.
ఇప్పుడు ప్రశంసలు..
ఆ తర్వాత కుంగిపోకుండా.. ఆటపై దృష్టి పెట్టి అద్భుతంగా రాణించాడు. 2010 ఐపీఎల్ సీజన్లో మంచి ప్రదర్శన చేశాడు. ఆస్ట్రేలియా పర్యటన కోసం.. టీమ్ ఇండియాకు తొలిసారి ఎంపికయ్యాడు. ఆసీస్ గడ్డపై భారత్ చారిత్రక విజయం సాధించిన.. గబ్బా టెస్టులో 5 వికెట్ల ప్రదర్శనతో అతడి పేరు మారుమోగిపోయింది. అప్పటినుంచి వెనుదిరిగి చూసుకోలేదు. దురదృష్టం ఏంటంటే.. ఆ సిరీస్ సమయంలోనే తండ్రిని కోల్పోయాడు సిరాజ్.
Ind vs WI Odi: ప్రస్తుతం విండీస్తో సిరీస్కు కూడా భారత్ జట్టుకు ఎంపికయ్యాడు సిరాజ్.
ఫిబ్రవరి 6న జరిగిన తొలి వన్డేలో 8 ఓవర్లు బౌలింగ్ చేసిన సిరాజ్.. 26 పరుగులు మాత్రమే ఇచ్చి ఒక వికెట్ పడగొట్టాడు. ఇందులో రెండు మెయిడెన్లు ఉండటం విశేషం. తొలి వికెటే షై హోప్ను క్లీన్బౌల్డ్ చేసి.. భారత్కు శుభారంభాన్ని అందించాడు.
ఆ మ్యాచ్లో టీమ్ఇండియా ఘనవిజయం సాధించింది. టాస్ ఓడి బ్యాటింగ్కు దిగిన వెస్టిండీస్.. ప్రారంభం నుంచే వికెట్లు కోల్పోయింది. మన బౌలర్ల స్పిన్ మాయాజాలానికి చిక్కిన కరీబియన్లు.. 176 పరుగులకే ఆలౌట్ అయ్యారు. హోల్డర్ అత్యధికంగా 57 పరుగులు చేశాడు. భారత బౌలర్లలో చాహల్ 4, సుందర్ 3, ప్రసిద్ధ్ 2, సిరాజ్ ఓ వికెట్ తీశారు.
177 పరుగుల లక్ష్యంతో బరిలో దిగిన టీమ్ఇండియా.. 28 ఓవర్లలో దానిని పూర్తి చేసింది. ఓపెనింగ్ జోడీ రోహిత్ శర్మ- ఇషాన్ కిషన్.. తొలి వికెట్కు 84 పరుగులు జోడించారు. అనంతరం 60 పరుగులు చేసిన రోహిత్ ఔటయ్యాడు. కోహ్లీ, పంత్ నిరాశపర్చినా.. సూర్యకుమార్ యాదవ్, దీపక్ హుడా నిలకడగా ఆడి జట్టుకు విజయాన్ని అందించారు.
ఇరు జట్ల మధ్య రెండో వన్డే.. ఫిబ్రవరి 9న అహ్మదాబాద్ నరేంద్ర మోదీ స్టేడియంలో జరగనుంది.
ఇవీ చూడండి: యాంకర్గా మారిన రోహిత్.. చాహల్‌తో ఫన్నీ ఇంటర్వ్యూ..
