Shane Warne Funeral: ఆస్ట్రేలియా దిగ్గజ ఆటగాడు షేన్ వార్న్ అంత్యక్రియలు ఆదివారం మెల్బోర్న్లో కుటుంబ సభ్యులు, స్నేహితుల మధ్య జరిగాయి. ఈ కార్యక్రమానికి మాజీ క్రికెటర్లు మార్క్ టేలర్, అలెన్ బోర్డర్, మైకేల్ వాన్ సహా 80 మంది హాజరయ్యారు.
మార్చి 30న షేన్ వార్న్ స్మారక సభను మెల్బోర్న్ క్రికెట్ గ్రౌండ్లో నిర్వహించనున్నారు. ఈ మైదానం వార్న్కు చాలా ప్రత్యేకమైనది. 1994లో ప్రతిష్టాత్మక యాషెస్ సిరీస్లో హ్యాట్రిక్, 2006లో బాక్సింగ్ డే రోజున తీసిన 700వ టెస్ట్ వికెట్, రిటైర్మెంట్కు ముందు చివరి అంతర్జాతీయ మ్యాచ్ ఇక్కడే ఆడాడు. వార్న్ మెల్బోర్న్లోనే పుట్టి పెరిగాడు.
52 ఏళ్ల షేన్ వార్న్ గుండెపోటుతో మార్చి 4న థాయ్లాండ్లోని సముయ్ ఐస్లాండ్లో మరణించాడు. వారం కిందటే వార్న్ భౌతికకాయాన్ని బ్యాంకాక్ నుంచి మెల్బోర్న్కు తరలించారు.
ఇదీ చదవండి: వార్న్ మరణంపై వీడిన మిస్టరీ.. పోలీసులు ఏమన్నారంటే?
