టీమ్ఇండియా దిగ్గజ క్రికెటర్ సచిన్ తెందుల్కర్.. సోషల్మీడియాలో చురుగ్గా ఉంటూ ఎప్పటికప్పుడూ తనకు సంబంధించిన విషయాలతో పాటు క్రికెట్కు సంబంధించిన సూచనలు ఇస్తుంటారు. అయితే తాజాగా ఆయన.. ఓ వీడియోను ఇన్స్టాలో పోస్ట్ చేశారు. అందులో బ్యాట్ హ్యాండిల్, గ్రిప్ను ఎలా శుభ్రపరచుకోవాలో చూపించాడు. ''ఇలాంటి చిన్న విషయాలు ఎవరు చెప్పరు'' అంటూ వీడియోకు క్యాప్షన్‌ జత చేశాడు. ఈ ప్రక్రియ అంతా బాగానే ఉన్నప్పటికీ క్రికెట్ ఫ్యాన్స్ మాత్రం సచిన్‌ను ఒక విషయంలో తప్పుబట్టారు.
అదేంటంటే.. బ్యాట్‌ను క్లీన్‌ చేసే క్రమంలో సచిన్ నీటిని చాలా వరకు వృథా చేశారంటూ.. అవసరం ఉన్నప్పుడు ట్యాప్‌ తిప్పితే సరిపోయేదని.. కానీ సచిన్ అలా చేయకుండా వీడియోలో మాట్లాడుతున్నంత సేపు కుళాయిలో నీరు వృథాగా పోతూనే ఉందని కామెంట్లు విపరీతంగా పెట్టారు. మరోవైపు.. సచిన్ ప్రస్తుతం ముంబయిలో 'సేవ్‌ వాటర్' క్యాంపెయిన్‌కు బ్రాండ్‌ అంబాసిడర్‌గా వ్యవహరిస్తున్నారు. ఈ క్రమంలోనే సచిన్ పోస్ట్ చేసిన ఈ వీడియో మరింత వైరల్గా మారింది. 'సచిన్ సార్‌.. మీరు చెప్పాలనుకున్న విషయం మంచిదే కావొచ్చు.. కానీ ఇలా నీరును వృథా చేయడం బాగోలేదు', 'సార్‌.. నీటిని రక్షించాలన్న మీ మాటలు మరిచిపోయారా.. ముంబయి సివిక్‌ బాడీ సేవ్‌ వాటర్ క్యాంపెయిన్‌కు మీరు బ్రాండ్‌ అంబాసిడర్‌ అన్న సంగతి గుర్తుంది కదా'' అంటూ కామెంట్లు చేశారు.
కాగా, ఇండియా లెజెండ్స్‌కు నాయకత్వం వహిస్తున్న సచిన్.. ఇటీవలే సౌతాఫ్రికా లెజెండ్స్‌తో మ్యాచ్‌లో 16 పరుగులు చేసి ఔటయ్యాడు. స్టువర్ట్‌ బిన్నీ విధ్వంసంతో ఇండియా లెజెండ్స్‌ తమ తొలి మ్యాచ్‌లో 61 పరుగుల తేడాతో ఘన విజయం సాధించింది.
- " class="align-text-top noRightClick twitterSection" data="
">
ఇదీ చూడండి: టెన్నిస్ రాకెట్తో అదరగొడుతున్న యువతరం.. భవిష్యత్ ఆ కుర్రాళ్లదే!
