SA vs IND: దక్షిణాఫ్రికాతో మూడో టెస్టులో ఆడేందుకు టీమ్ఇండియా కెప్టెన్ కోహ్లీ సిద్ధంగా ఉన్నాడని ప్రస్తుత కెప్టెన్ కేఎల్ రాహుల్ చెప్పాడు. నెట్స్లో కోహ్లీ.. ఫీల్డింగ్, బ్యాటింగ్ ప్రాక్టీస్ చేస్తున్నాడని వివరించాడు. వెన్నునొప్పి కారణంగా రెండో టెస్టుకు దూరమయ్యాడు జట్టు సారథి కోహ్లీ.
"విరాట్ ఇప్పటికే కోలుకున్నాడు. గతరెండు రోజులుగా ఫిట్నెస్పై కసరత్తులు చేస్తున్నాడు. మూడో టెస్టుకు సిద్ధంగా ఉంటాడు." అని ప్రస్తుత కెప్టెన్ కేఎల్ రాహుల్ తెలిపాడు.
దక్షిణాఫ్రికాతో జరిగిన తొలి టెస్టులో టీమ్ఇండియా ఫాస్ట్ బౌలర్ మహమ్మద్ సిరాజ్ గాయపడ్డాడు. తర్వాత రెండో టెస్టు కూడా ఆడాడు సిరాజ్. కాగా.. సిరాజ్ గాయంపైనా రాహుల్ స్పందించాడు.
"ప్రస్తుతం సిరాజ్ పర్యవేక్షణలో ఉన్నాడు. గాయమైనా సరే రెండో టెస్టు ఆడటం సవాల్తో కూడుకున్నది. ఉమేశ్, ఇషాంత్లు ప్రస్తుతం ఆడేందుకు సిద్ధంగా ఉన్నారు. రెండో టెస్టు ఓటమి తర్వాత మేం మరింత ఆకలితో ఉన్నాం" అని రాహుల్ అన్నాడు.
ఆల్‌రౌండ్‌ ప్రదర్శనతో బాక్సింగ్ డే టెస్టులో సౌతాఫ్రికాపై ఘన విజయం సాధించి సిరీస్‌లో 1-0తో ఆధిక్యంలోకి వెళ్లిన టీమ్ఇండియా.. జోహన్నెస్బర్గ్ టెస్టులో మాత్రం ఓటమిపాలైంది. రెండో టెస్టులో దక్షిణాఫ్రికా ఘనవిజయం సాధించింది. 240 పరుగుల లక్ష్యఛేదనతో బరిలోకి దిగిన ఆ జట్టు.. 7 వికెట్ల తేడాతో గెలుపొందింది. కెప్టెన్ డీన్ ఎల్గర్ 96 పరుగులతో నాటౌట్గా నిలిచి జట్టు విజయంలో కీలక పాత్ర పోషించాడు.
ఇదీ చూడండి: IND vs SA Test: ఎల్గర్ కెప్టెన్ ఇన్నింగ్స్- రెండో టెస్టులో భారత్ ఓటమి
