Ross Taylor Record: న్యూజిలాండ్ సీనియర్ బ్యాటర్ రాస్ టేలర్ టెస్టు క్రికెట్లో మరో రికార్డు తన ఖాతాలో వేసుకున్నాడు. బంగ్లాదేశ్తో జరుగుతున్న రెండో టెస్టులో బరిలో దిగిన ఇతడు.. సుదీర్ఘ ఫార్మాట్లో అత్యధిక మ్యాచ్లు ఆడిన న్యూజిలాండ్ క్రికెటర్ల జాబితాలో తొలి స్థానానికి చేరాడు. ఈ క్రమంలోనే వెటోరి పేరిట ఉన్న 112 మ్యాచ్ల రికార్డును సమం చేశాడు. కివీస్ మాజీ కెప్టెన్ స్టీఫెన్ ఫ్లెమింగ్ 111 మ్యాచ్లతో రెండో స్థానంలో ఉన్నాడు.
ఇదే చివరి టెస్టు
బంగ్లాదేశ్తో జరుగుతున్న రెండో టెస్టు కెరీర్లో రాస్ టేలర్కు చివరిది. ఈ మ్యాచ్ తర్వాత సుదీర్ఘ ఫార్మాట్కు రిటైర్మెంట్ ప్రకటిస్తానని ఇప్పటికే క్లారిటీ ఇచ్చాడు టేలర్. దీంతో ఈ మ్యాచ్ను విజయంతో ముగించి అతడికి అంకితమివ్వాలని కివీస్ ఆటగాళ్లు భావిస్తున్నారు.
ఈ మ్యాచ్లో మొదట టాస్ గెలిచిన బంగ్లాదేశ్.. కివీస్కు బ్యాటింగ్ అప్పగించింది. ఓపెనర్లు విల్ యంగ్ (54), టామ్ లాథమ్ జట్టుకు శుభారంభాన్నిచ్చారు. యంగ్ ఔటైనా.. లాథమ్ కెప్టెన్ ఇన్నింగ్స్తో అదరగొట్టాడు. భారీ శతకం (160*) బాది క్రీజులో ఉన్నాడు. డేవిడ్ కాన్వే (71*) ఇతడికి మద్దతుగా నిలిచాడు. దీంతో 80 ఓవర్లలో వికెట్ నష్టానికి 300 పరుగులు చేసింది కివీస్.
