Rohit sharma Virat Kohli : 2011 టు 2023.. ఈ జట్టులోనూ ఆ ఇద్దరూ కీలకమే!

Rohit sharma Virat Kohli : బ్యాటర్లుగానే కాకుండా కెప్టెన్లగానూ కీలక పాత్ర పోషించిన ఇద్దరు మేటి ఆటగాళ్లు.. విరాట్​ కోహ్లి, రోహిత్​ శర్మ. ప్రపంచకప్‌లో జట్టుకు ఎంతో ముఖ్యమైన ఈ ప్లేయర్స్​ ఇప్పుడు తమ కెరీర్​లో కీలక ఘట్టాన్ని ఎదుర్కొనున్నారు. 2011 టీమ్​లోనూ కీలకంగా ఉన్న ఈ స్టార్స్​ దేశానికి మరో కప్పు సాధించిపెడతారని ఫ్యాన్స్ ఆశిస్తున్నారు. మరీ తమ సుదీర్ఘ కెరీర్​లో ఈ ఇద్దరూ ఏ మేర రాణించారంటే ?

Rohit sharma Virat Kohli : పరిమిత ఓవర్ల క్రికెట్​ ఫార్మాట్​లో మిడిలార్డర్లో ఆడినంత కాలం సాధారణ బ్యాటర్‌గానే కనిపించిన కెప్టెన్​ రోహిత్‌ శర్మ.. ఓపెనర్​గా రంగంలోకి దిగాక ఎలా చెలరేగిపోయాడో, ఎంత గొప్ప స్థాయికి ఎదిగాడో అందరికీ తెలిసిందే. వన్డేల్లో ఒక్క డబుల్‌ సెంచరీ సాధించడమే గొప్ప విషయం అంటే రోహిత్​.. మూడుసార్లు ఆ ఘనతను అందుకున్న ఏకైక ఆటగాడిగా చరిత్రకెక్కాడు. అంతే కాకుండా.. ఈ ఫార్మాట్​లో అత్యధిక స్కోరు రికార్డు కూడా అతడిదే కావడం విశేషం. సుమారు దశాబ్ద కాలం నుంచి ప్రపంచంలోనే అత్యుత్తమ వన్డే బ్యాటర్లలో ఒకడిగా రోహిత్‌ కొనసాగుతున్నాడు.

Rohit Sharma Team India : ఇక ధోని తర్వాత కోహ్లినే వన్డే కెప్టెన్‌గా ఈ ప్రపంచకప్‌లో జట్టును నడిపిస్తాడని అందరూ అనుకుంటున్న సమయంలో.. అనూహ్య పరిణామాల మధ్య రోహిత్‌ చేతికి పగ్గాలు వచ్చాయి. కెప్టెన్‌గా ఐపీఎల్‌లో గొప్ప పనితనం చూపించిన రోహిత్‌.. అదే నైపుణ్యాన్ని ప్రపంచకప్‌లో చూపించి ట్రోఫీ అందిస్తాడని అభిమానులు భారీ అంచనాలు పెట్టుకున్నారు. ఆ మధ్య బ్యాటింగ్‌లో రోహిత్‌ ఫామ్‌ కొంత ఆందోళన కలిగించినప్పటికీ.. ప్రపంచకప్‌ ముంగిట అతను తిరిగి ఫామ్​లోకి వచ్చాడు. ఈ క్రమంలో ఆసియా కప్‌లో చక్కటి ప్రదర్శన చేసి అందరి ప్రశంసలు అందుకున్నాడు. అయితే రానున్న ప్రపంచకప్​ నేపథ్యంలో శుభ్‌మన్ తోడుగా జట్టుకు అతనెలాంటి ఆరంభాలందిస్తాడన్నది కీలకంగా మారింది. ఆరంభంలో తనదైన శైలిలో చెలరేగితే ఇక విజయానికి సగం పునాది పడిపోయినట్లే. గత ప్రపంచకప్‌లో రోహిత్​ ఏకంగా నాలుగు శతకాలు బాదాడు. అదే ప్రదర్శనను సొంతగడ్డపైనా కూడా రోహిత్‌ పునరావృతం చేయాలని జట్టు ఆశిస్తోంది. 36 ఏళ్ల రోహిత్‌ ఈ ప్రపంచకప్‌తోనే వన్డేలకు గుడ్‌బై చెప్పే సూచనలున్నాయి. ఈ టోర్నీలో జట్టును అతను గెలిపించాడంటే తక్కువ వ్యవధిలోనే నాయకుడిగా అతను గొప్ప పేరు సంపాదించి ఘనంగా కెరీర్‌ను ముగిస్తాడు.

• Player in 2015 ➡️ Leading run-scorer in 2019 ➡️ Captain in 2023 🙌
  
  𝗠𝗶𝘀𝘀𝗶𝗼𝗻 𝗪𝗼𝗿𝗹𝗱 𝗖𝘂𝗽 𝗕𝗲𝗴𝗶𝗻𝘀 🏟️
  
  Skipper Rohit Sharma is geared up for #CWC23 😎#TeamIndia | @ImRo45 pic.twitter.com/FX5CPykLLF

  — BCCI (@BCCI) September 29, 2023 " class="align-text-top noRightClick twitterSection" data="

  Player in 2015 ➡️ Leading run-scorer in 2019 ➡️ Captain in 2023 🙌
  
  𝗠𝗶𝘀𝘀𝗶𝗼𝗻 𝗪𝗼𝗿𝗹𝗱 𝗖𝘂𝗽 𝗕𝗲𝗴𝗶𝗻𝘀 🏟️
  
  Skipper Rohit Sharma is geared up for #CWC23 😎#TeamIndia | @ImRo45 pic.twitter.com/FX5CPykLLF

  — BCCI (@BCCI) September 29, 2023

  ">

  Player in 2015 ➡️ Leading run-scorer in 2019 ➡️ Captain in 2023 🙌
  
  𝗠𝗶𝘀𝘀𝗶𝗼𝗻 𝗪𝗼𝗿𝗹𝗱 𝗖𝘂𝗽 𝗕𝗲𝗴𝗶𝗻𝘀 🏟️
  
  Skipper Rohit Sharma is geared up for #CWC23 😎#TeamIndia | @ImRo45 pic.twitter.com/FX5CPykLLF

  — BCCI (@BCCI) September 29, 2023

Virat Kohli Team India : ఓ బ్యాటర్‌గా విరాట్‌ కోహ్లి నెలకొల్పిన రికార్డులు అన్నీ ఇన్నీ కావు. వన్డే క్రికెట్​లో సచిన్‌ను మించిన పరుగుల ప్రవాహంతో, శతకాల మోతతో అతను అందరినీ అబ్బురపరిచాడు. కెరీర్‌ ఆరంభంలోనే ప్రపంచకప్‌ను అందుకునే అవకాశాన్ని కూడా అందుకున్నాడు. ధోనీ సారథ్యంలో 2011 ప్రపంచకప్‌ గెలిచిన జట్టులో అతను సభ్యుడన్న సంగతి అందరికీ తెలిసిందే. ఆ విజయంలో అతడి పాత్ర తక్కువే అయినప్పటికీ.. తన స్కిల్స్​తో తర్వాతి టోర్నీ సమయానికి ప్రపంచంలోనే మేటి బ్యాటర్‌గా ఎదిగాడు.

రానున్న ప్రపంచకప్‌లో విరాట్‌ తన అద్భుత ప్రదర్శనతో భారత్‌ను విజేతగా నిలబెడితే చూడాలని అభిమానులు ఆశిస్తున్నారు. కానీ గత రెండు టోర్నీల్లోనూ ఆ ఆశ నెరవేరలేదు. చాలా ఏళ్ల పాటు టెస్టుల్లో.. కొన్నేళ్ల పాటు వన్డేలు, టీ20ల్లో కూడా కెప్టెన్‌గా జట్టును నడిపించిన కోహ్లి.. జట్టుకు ఎన్నో విజయాలను అందించాడు. ఆ మధ్యలో ఫామ్‌ లేమికి తోడు కెప్టెన్సీ కోల్పోవడం కూడా విరాట్‌ కెరీర్‌నే దెబ్బ తీసేలా కనిపించాయి. కానీ గత ఏడాది వ్యవధిలోనే అతను బాగానే పుంజుకున్నాడు. ఈ ఏడాది నిలకడగా రాణిస్తున్నాడు. ఇటీవలే జరిగిన ఆసియా కప్‌లో పాక్‌పై అద్భుత శతకం బాదాడు.

ఈ ప్రపంచకప్‌ పూర్తయ్యే సమయానికి విరాట్‌కు 35 ఏళ్లు నిండుతాయి. ఇంకో ప్రపంచకప్‌ వరకు అతను కొనసాగడం సందేహమే అని విశ్లేషకులు భావిస్తున్నారు. దీంతో ఈ టోర్నీలోనే అతను అద్భుతంగా రాణించి 50వ శతకంతో సచిన్‌ను మించే అవకాశాలున్నాయి. దీంతో పాటు అంచనాలకు తగ్గ ఆటతో జట్టు ప్రపంచకప్‌ గెలవడంలోనూ ముఖ్య పాత్ర పోషిస్తే.. వన్డేల్లో అత్యంత గొప్ప ఆటగాడిగా కెరీర్‌ను ముగించడానికి అవకాశముంటుంది.

ఈ ఏడాది విరాట్‌ ఫామ్‌ గొప్పగా ఉంది. రోహిత్‌ కూడా ఇటీవలే లయ అందుకున్నాడు. ఈ జోడీ ప్రపంచకప్‌లోనూ ఇదే జోరు కొనసాగించాలన్నది అభిమానుల ఆశ. జట్టును సమష్టిగా నడిపించడంలోనూ సమన్వయంతో సాగితే కప్పు గెలవడం కష్టమేమీ కాదు.

• Batch of 2011 ➡️ Batch of 2023
  
  Virat Kohli 🤝 R Ashwin
  
  𝗠𝗶𝘀𝘀𝗶𝗼𝗻 𝗪𝗼𝗿𝗹𝗱 𝗖𝘂𝗽 𝗕𝗲𝗴𝗶𝗻𝘀 🏟️#TeamIndia | #CWC23 pic.twitter.com/AfUJeL0nas

  — BCCI (@BCCI) October 1, 2023 " class="align-text-top noRightClick twitterSection" data="

  Batch of 2011 ➡️ Batch of 2023
  
  Virat Kohli 🤝 R Ashwin
  
  𝗠𝗶𝘀𝘀𝗶𝗼𝗻 𝗪𝗼𝗿𝗹𝗱 𝗖𝘂𝗽 𝗕𝗲𝗴𝗶𝗻𝘀 🏟️#TeamIndia | #CWC23 pic.twitter.com/AfUJeL0nas

  — BCCI (@BCCI) October 1, 2023

  ">

  Batch of 2011 ➡️ Batch of 2023
  
  Virat Kohli 🤝 R Ashwin
  
  𝗠𝗶𝘀𝘀𝗶𝗼𝗻 𝗪𝗼𝗿𝗹𝗱 𝗖𝘂𝗽 𝗕𝗲𝗴𝗶𝗻𝘀 🏟️#TeamIndia | #CWC23 pic.twitter.com/AfUJeL0nas

  — BCCI (@BCCI) October 1, 2023