Rohit Sharma Records List : రోహిత్ ఖాతాలో రెండు అరుదైన రికార్డులు.. ఆ ఘనత సాధించిన ఏడో కెప్టెన్​గా..

Rohit Sharma Records List : వన్డే ప్రపంచకప్​లో భాగంగా భారత్​- ఇంగ్లాండ్ మధ్య జరుగుతున్న మ్యాచ్​లో టీమ్ఇండియా పరుగుల వేట కొనసాగుతోంది. ప్రస్తుతం క్రీజులో టీమ్ఇండియా కెప్టెన్​ నిలకడగా రాణిస్తున్నాడు. ఈ క్రమంలో అతడు తన ఖాతాలో రెండు అరుదైన రికార్డులను వేసుకున్నాడు. అవేంటంటే..

Rohit Sharma Records List : వన్డే ప్రపంచకప్​లో భాగంగా భారత్​- ఇంగ్లాండ్ మధ్య జరుగుతున్న మ్యాచ్​లో మొదటి నుంచి దూకుడుగా ఆడుతున్న టీమ్ఇండియా కెప్టెన్​ రోహిత్​ శర్మ ఇదే వేదికపై ఓ అరుదైన రికార్డును అందుకున్నాడు. అంతర్జాతీయ క్రికెట్‌లో 18 వేల పరుగుల మైలురాయిని చేరుకున్నాడు. మ్యాచ్​ 21 ఓవర్‌లో ఓ ఫోర్​తో ఈ రికార్డును రోహిత్ తన ఖాతాలో వేసుకున్నాడు.

అంతే కాకుండా ఇదే వేదికగా హిట్‌మ్యాన్ మరో ఘనతను కూడా సాధించాడు. టీమ్​ఇండియా కెప్టెన్​గా 100 మ్యాచ్‌లను పూర్తి చేసుకున్నాడు. అలా ఈ అరుదైన మార్క్​ను అందుకున్న ఏడో ఇండియన్‌ కెప్టెన్‌గా రోహిత్‌ రికార్డులకెక్కాడు. రోహిత్‌ కంటే ముందు ఈ లిస్ట్​లో ఎంఎస్‌ ధోని, మహ్మద్‌ అజారుద్దీన్‌, విరాట్‌ కోహ్లీ, సౌరవ్‌ గంగూలీ, కపిల్‌ దేవ్‌, రాహుల్‌ ద్రావిడ్‌లు ఉన్నారు.

ఇప్పటివరకు అంతర్జాతీయ క్రికెట్‌లో అన్ని ఫార్మాట్లలో కలిపి రోహిత్ శర్మ 99 మ్యాచ్‌లకు కెప్టెన్‌గా వ్యవహరించాడు. 51 టీ20, 39 వన్డే, 9 టెస్టు మ్యాచ్​లకు గానూ రోహిత్ సారథ్య బాధ్యతలు చేపట్టాడు. 2017లో కెప్టెన్‌గా పగ్గాలు అంగదుకున్న హిట్​మ్యాన్​.. తన నాయకత్వంలో ఏకంగా 73 మ్యాచ్‌ల్లో గెలిపించాడు. ఇక రోహిత్​ కెప్టెన్సీలో టీమ్ఇండియా రెండు సార్లు ఆసియా కప్ కూడా గెలిచింది.

సెంచరీ మిస్..
Rohit Sharma World Cup 2023 : ఓపెనర్​గా మ్యాచ్​లోకి దిగిన రోహిత్​ శర్మ (87).. దూకుడుగా ఆడాడు. వికెట్లు పడిపోయు కష్టాల్లో పడ్డ టీమ్ఇండియాను ఒంటిచేత్తో లాకొచ్చాడు. ఓపెనర్​గా రంగంలో దిగినప్పటి నుంచి బాల్​ను బౌండరీలు దాటిస్తూ వచ్చాడు. 101 బంతుల్లో 10 ఫోర్లు, 3 సిక్సర్లతో 87 పరుగులు చేశాడు. అయితే 37 ఓవర్‌లో ఆదిల్ రషీద్ వేసిన బాల్​కు భారీ షాట్ ఆడి లివింగ్‌స్టోన్‌ చేతికి చిక్కాడు. సెంచరీ చేస్తాడని అనుకుంటున్న సమయంలో 13 పరుగుల తేడాలో సెంచరీ మిస్​ చేసుకుని అనూహ్యంగా పెవిలియన్ బాట పట్టాడు.

మరోవైపు ఇదే మ్యాచ్​లో కెఎల్ రాహుల్, రోహిత్ శర్మ కలిసి సూపర్ ఇన్నింగ్స్​ను ఆడారు. నాలుగో వికెట్‌ సమయానికి 91 పరుగుల అమూల్యమైన భాగస్వామ్యాన్ని నెలకొల్పారు. 58 బంతుల్లో 3 ఫోర్లతో 39 పరుగులు సాధించిన కెఎల్ రాహుల్.. డేవిడ్ విల్లే బౌలింగ్‌లో జానీ బెయిర్‌స్టోకి క్యాచ్ ఇచ్చి ఔటయ్యాడు.

• A special TON! 💯
  
  Congratulations to #TeamIndia skipper Rohit Sharma who is all set to play his 1⃣0⃣0⃣th international match as a Captain 👏👏 #TeamIndia | #CWC23 | #MenInBlue | #INDvENG pic.twitter.com/WqX3rDuddk

  — BCCI (@BCCI) October 29, 2023 " class="align-text-top noRightClick twitterSection" data="

  A special TON! 💯
  
  Congratulations to #TeamIndia skipper Rohit Sharma who is all set to play his 1⃣0⃣0⃣th international match as a Captain 👏👏 #TeamIndia | #CWC23 | #MenInBlue | #INDvENG pic.twitter.com/WqX3rDuddk

  — BCCI (@BCCI) October 29, 2023

  ">

  A special TON! 💯
  
  Congratulations to #TeamIndia skipper Rohit Sharma who is all set to play his 1⃣0⃣0⃣th international match as a Captain 👏👏 #TeamIndia | #CWC23 | #MenInBlue | #INDvENG pic.twitter.com/WqX3rDuddk

  — BCCI (@BCCI) October 29, 2023