టీ20 ప్రపంచకప్ 2022 టోర్నమెంట్‌లో సంచలనాలు నమోదవుతోన్నాయి. చిన్న జట్లు కూడా పంజా విసురుతున్నాయి. పసికూనలైన నమీబియా, స్కాట్లాండ్, ఐర్లాండ్, జింబాబ్వే జట్లు ఛాంపియన్ టీమ్స్ను ఓడించి రికార్డులు సృష్టిస్తున్నాయి. అయితే తాజాగా దీనిపై బీసీసీఐ నూతన అధ్యుక్షుడు రోజర్ బిన్నీ స్పందించారు. చిన్న జట్లైనా ఐర్లాండ్, జింబాబ్వేపై ప్రశంసలు కురిపించారు. పసి కూనలను తక్కువగా అంచనా వేయొద్దని పెద్ద టీమ్లకు హెచ్చరించారు. అలాగనే వరుసగా రెండు మ్యాచ్ల్లో(టీమ్ఇండియా,జింబాబ్వేపై) ఓడిపోయిన పాకిస్థాన్ సెమీఫైనల్ చేరుకోవడం కష్టమేనని పేర్కొన్నారు.
"టీ20 ప్రపంచకప్లో జూనియర్ టీమ్లు తమ సత్తా చాటుకోవడం విశేషం. జింబాబే, ఐర్లాండ్ తమ బలాన్ని నిరూపించుకున్నాయి. దీనిని బట్టి ఇప్పుడు చిన్న జట్లను అంత తేలికగా చూడకూడదు. అవి తేలికగా ఓడించగలవు. నాకు తెలిసి పాకిస్థాన్ సెమీఫైనల్ చేరుకోవడం కష్టమని భానవిస్తున్నాను" అని వెల్లడించారు.
ఇదీ చూడండి: T20 worldcup: సికిందర్ రాజా స్పిన్ మ్యాజిక్ వెనక ఉన్నది ఇతడేనా?
