టీమ్ఇండియా ఆల్రౌండర్ రవీంద్ర జడేజా తన ఫిట్నెస్ను నిరూపించేందుకు తమిళనాడుతో జరిగే సౌరాష్ట్ర రంజీ ట్రోఫీ పోరులో ఆడేందుకు సిద్ధమయ్యాడు. ఫిబ్రవరిలో ఆస్ట్రేలియాతో జరిగే టెస్ట్ ఫార్మాట్లో అర్హత పొందాలంటే దేశీయ క్రికెట్లో జడేజా సత్తా చాటాలని బోర్డు అధికారులు తెలిపారు. కాగా, గతేడాది సెప్టెంబరులో కుడి మోకాలికి గాయం కారణంగా శస్త్రచికిత్స చేయించుకోవడం కోసం ఆసియా కప్కు దూరమయ్యాడు జడ్డూ. అయితే ప్రస్తుతం నేషనల్ క్రికెట్ అకాడమీలో(ఎన్సీఏ) కోలుకున్న జడేజా ఫిబ్రవరి 9 నుంచి నాగ్‌పుర్‌ వేదికగా ఆస్ట్రేలియాతో జరిగే 4 టెస్టుల సిరీస్లో మొదటి రెండు టెస్ట్ మ్యాచ్లకు ఎంపిక చేసిన 17 మంది ఆటగాళ్ల జాబితాలో చోటు దక్కించుకున్నాడు.
అయితే, అతడి స్థానం ఖరారు కావాలంటే ఫిట్నెస్ నిరూపించుకోవాల్సి ఉంటుంది. ఈ నేపథ్యంలో జనవరి 24 నుంచి చెన్నైలో జరిగే రంజీ ట్రోఫీ మ్యాచ్ ఆడేందుకు జడేజా సన్నద్ధమయ్యాడు. సౌరాష్ట్ర తరఫున అతడు బరిలోకి దిగనున్నాడు. జడేజాకు ఎన్సీఏలో చికిత్స పూర్తయినందున ఈ వారమే బౌలింగ్, బ్యాటింగ్ ప్రాక్టీస్ను ప్రారంభించాడు. లెఫ్ట్హ్యాండ్ బ్యాటర్గా అయిన జడేజా.. జట్టులో కీలకంగా మారతాడని యాజమాన్యం భావిస్తోంది. ఇక రోడ్డు ప్రమాదంలో గాయపడిన రిషభ్ పంత్ ఆసీస్ మ్యాచ్కు దూరమయ్యాడు. పంత్ స్థానంలో జడేజాను ఆడించాలని సెలక్టర్లు యోచిస్తున్నరు.
'జడేజా సౌరాష్ట్ర తరఫున ఆడితే మంచిదే. బహుశా అతను ఆడతాడు అనుకుంటున్నా' అని సౌరాష్ట్ర క్రికెట్ అసోసియేషన్ అధ్యక్షుడు జయదేవ్ అన్నారు. ఇక జడేజా స్పిన్.. ఆసీస్ నాలుగు సిరీస్ల పోరులో కీలకంగా మారే అవకాశం ఉంది. జడేజా బౌలింగ్ మెరుగ్గా ఉంటే గనుక వరుసగా ప్రపంచ టెస్ట్ ఛాంపియన్‌షిప్ ఫైనల్లో భారత్ గొప్ప ప్రదర్శనకు సహాయపడుతుంది.
2017లో ఆస్ట్రేలియాతో జరిగిన నాలుగు టెస్ట్ సిరీస్ పోరులో భారత్ విజయం సాధించడంలో జడేజా కీలక పాత్ర పోషించాడు. ఈ సిరీస్లో జడేజా 25 వికెట్లు పడగొట్టాడు. అలాగే 127 పరుగులు చేసి ప్లేయర్ ఆఫ్ ది సిరీస్‌గా నిలిచాడు. భారత్ ఈ సిరీస్ను 2-1 ఆధిక్యంతో గెలిచింది. ఇక 2017 నుంచి జడేజా 19 టెస్టుల్లో ఆడి రెండు సెంచరీలతో పాటు ఏడు హాఫ్ సెంచరీలు చేశాడు. మొత్తంగా 19 టెస్టుల్లో జడేజా 898 పరుగులు చేసి 82 వికెట్లు సాధించాడు. అయితే రంజీ ట్రోఫీలో మూడు ట్రిపుల్ సెంచరీలు చేసిన ఏకైక బ్యాట్స్‌మెన్గా రవీంద్ర జడేజా పేరిట రికార్డు ఉంది.
