టీమ్ఇండియా సీనియర్ స్పిన్నర్ రవిచంద్రన్ అశ్విన్ మరో ఘనత సాధించాడు. ఈ ఏడాది టెస్టుల్లో అత్యధిక వికెట్లు సాధించిన బౌలర్గా రికార్డుకెక్కాడు. న్యూజిలాండ్తో జరుగుతున్న తొలి టెస్టులో విల్ యంగ్ వికెట్ తీసిన అనంతరం ఈ జాబితాలో అగ్రస్థానానికి చేరుకున్నాడు.
ఈ ఏడాది టెస్టుల్లో అత్యధిక వికెట్లు దక్కించుకున్న బౌలర్ల జాబితాలో 39 వికెట్లతో పాక్ బౌలర్ షాహిన్ అఫ్రిదీని కిందకునెట్టి అగ్రస్థానానికి చేరాడు అశ్విన్. ఇంగ్లాండ్తో స్వదేశంలో జరిగిన టెస్టు సిరీస్లో 32 వికెట్లతో మ్యాన్ ఆఫ్ ద టోర్నీగా నిలిచాడీ స్పిన్నర్. అలాగే ఈ సిరీస్తో పాటు ఆస్ట్రేలియాతో జరిగిన సిరీస్లో బ్యాట్తోనూ మెరిసి జట్టుకు విజయాల్ని అందించాడు.
