చరిత్ర సృష్టించిన షహీన్‌ అఫ్రిది.. తొలి ఓవర్​లో 4 వికెట్లు.. T20లో ఏకైక బౌలర్​గా రికార్డ్​!

Shaheen Afridi In T20 Blast : ఇంగ్లాండ్​ వేదికగా శుక్రవారం జరిగిన టీ20 బ్లాస్ట్​ టోర్నీలో పాక్​ స్టార్​ బౌలర్​ షహీన్‌ షా అఫ్రిది తనదైన బౌలింగ్​తో సత్తా చాటాడు. తాను వేసిన మొదటి ఓవర్లోనే 4 వికెట్లు పడగొట్టి ఔరా అనిపించాడు.

Shaheen Afridi 4 Wickets : పాకిస్థాన్​ ​యువ పేసర్​ షహీన్‌ షా అఫ్రిది బౌలింగ్​లో రెచ్చిపోయాడు. ఇంగ్లాండ్​లో జూన్​ 30న జరిగిన టీ20 బ్లాస్ట్​ టోర్నమెంట్​లో నాటింగ్​హామ్​​షైర్​ జట్టు తరఫున ఆడుతున్న అతడు తొలి ఓవర్లో 4 వికెట్లు పడగొట్టి శభాష్​ అనిపించుకున్నాడు. వార్​విక్​షైర్​ బేర్స్‌ టీమ్​ తరఫున క్రీజ్​లోకి వచ్చిన ఇద్దరు ఆటగాళ్లను తాను వేసిన మొదటి ఓవర్లోని తొలి రెండు బంతుల్లోనే ఔట్ చేసి పెవిలియన్​ పంపాడు. ఆపై బరిలోకి దిగిన మరో ఇద్దరు ప్లేయర్స్​కు చెరో రన్​ ఇచ్చి వారిని కూడా పెవిలియన్ బాట పట్టించాడు. అఫ్రిది బౌలింగ్​ ధాటికి వార్​విక్​షైర్ టీమ్​.. తొలి ఓవర్‌లో కేవలం 7 పరుగులు మాత్రమే చేసి 4 వికెట్లు కోల్పోయింది. టీ20 క్రికెట్‌ చరిత్రలో ఓ బౌలర్‌ తొలి ఓవర్‌లోనే 4 వికెట్లు పడగొట్టడం ఇదే మొదటిసారి. దీంతో ఇన్నింగ్స్‌ తొలి ఓవర్‌లో నాలుగు వికెట్లు తీసిన మొట్టమొదటి బౌలర్​గా అఫ్రిది రికార్డులోకెక్కాడు.

ఆరులో నాలుగు..
షహీన్​ అఫ్రిది తొలి బంతి​ వైడ్​ బాల్​గా వేయగా.. కీపర్​ బాల్​ను పట్టలేకపోవడం వల్ల అది బౌండరీకి వెళ్లింది. దాంతో ఆ జట్టుకు 5 పరుగులు వచ్చాయి. మొదటి బంతికి అలెక్స్‌ డేవిస్‌ (0) ఎల్బీడబ్ల్యూగా వెనుదిరిగాడు. రెండో బంతికి బెంజమిన్‌ (0) బౌల్డ్‌ అయ్యాడు. 3, 4 బంతుల్లో సింగల్స్‌ తీశారు. ఇక ఐదో బాల్​కు మౌస్లే (1) క్యాచ్‌ ఇచ్చి ఔటయ్యాడు. చివరగా ఆరో బంతికి బర్నార్డ్‌ (0) క్లీన్​ బౌల్డయ్యాడు. వీటితో అఫ్రిది వేసిన తొలి ఓవర్‌లో మొత్తం 4 వికెట్లు వచ్చాయి. షహీన్​ చారిత్రత్మక ఇన్నింగ్స్​కు సంబంధించిన వీడియో ప్రస్తుతం సోషల్​ మీడియాలో వైరల్​గా మారింది. అఫ్రిది దూకుడును చూసిన నెటిజన్లు అతడిని తెగ మెచ్చుకుంటున్నారు.

అయినా వాళ్లే గెలిచారు..
T20 Blast 2023 : తొలుత బ్యాటింగ్​కు దిగిన నాటింగ్​హామ్​​షైర్ జట్టు నిర్ణీత 20 ఓవర్లలో 168 పరుగులకు ఆలౌటైంది. టామ్‌ మూర్స్‌ (73) టాప్‌ స్కోరర్‌. హసన్​ అలీ, లింటాట్​ చెరో 3 వికెట్లు తీశారు. లక్ష్యాన్ని చేరుకునే క్రమంలో షహీన్‌ షా అఫ్రిది బౌలింగ్​ దెబ్బకు తొలి ఓవర్లోనే నాలుగు వికెట్లు కోల్పోయింది వార్​విక్​షైర్​ టీమ్​. ఆ తర్వాత నిలకడగా ఆడి పోరాడింది. బ్యాటింగ్​లో రాబర్ట్‌ ఏట్స్‌ (65), జేకబ్‌ బెథెల్‌ (27), జేక్‌ లింటాట్‌ (27*) రాణించడం వల్ల 5 బంతులు మిగిలి ఉండగానే 8 వికెట్లు కోల్పోయి విజేతగా నిలిచింది.

• Shaheen Afridi, you cannot do that!! 💥 https://t.co/ehXxmtz6rX pic.twitter.com/wvibWa17zA

  — Vitality Blast (@VitalityBlast) June 30, 2023 " class="align-text-top noRightClick twitterSection" data="

  Shaheen Afridi, you cannot do that!! 💥 https://t.co/ehXxmtz6rX pic.twitter.com/wvibWa17zA

  — Vitality Blast (@VitalityBlast) June 30, 2023

  ">

  Shaheen Afridi, you cannot do that!! 💥 https://t.co/ehXxmtz6rX pic.twitter.com/wvibWa17zA

  — Vitality Blast (@VitalityBlast) June 30, 2023

వన్డేలో ఇతడు.. టెస్టులో అతడు..
ఇంతకుముందు ఈ రికార్డ్​ శ్రీలంక మాజీ పేసర్ చమిందా వాస్‌ పేరిట ఉంది. అయితే వన్డే క్రికెట్‌లో అతడు ఈ ఘనత సాధించాడు. వన్డే ప్రపంచకప్‌ 2003 పోరులో బంగ్లాదేశ్‌తో జరిగిన మ్యాచ్‌లో తొలి ఓవర్‌లోనే 4 వికెట్లు తీశాడు వాస్​. ఆ మ్యాచ్​లో హ్యాట్రిక్​ వికెట్లు కూడా పడగొట్టాడు. దాదాపు 20 ఏళ్ల తర్వాత వాస్​ నెలకొల్పిన రికార్డును అఫ్రిది టీ20లో తిరగరాశాడు. ఇక 2006లో భారత్​-పాకిస్థాన్‌ మధ్య జరిగిన టెస్ట్ మ్యాచ్ తొలి ఓవర్‌లో టీమ్​ఇండియా మాజీ పేసర్ ఇర్ఫాన్ పఠాన్ హ్యాట్రిక్‌ వికెట్లు తీశాడు. దీంతో హర్భజన్ సింగ్ తర్వాత టెస్ట్ హ్యాట్రిక్ సాధించిన రెండో భారత బౌలర్‌గా ఇర్ఫాన్ పఠాన్ నిలిచాడు.

• ఇవీ చదవండి: