ఐసీసీ మహిళల వన్డే ర్యాంకింగ్స్లో 8వ స్థానంలోనే కొనసాగుతోంది టీమ్ఇండియా స్టార్ ఓపెనర్ స్మృతి మంధాన. ఈ మేరకు మంగళవారం ఐసీసీ తాజా ర్యాంకింగ్స్ ప్రకటించింది. బౌలర్ల జాబితాలో ఒక స్థానం కిందకు పడిపోయింది సీనియర్ పేసర్ ఝులన్ గోస్వామీ.
ఈ ఏడాది ఆడిన 9 మ్యాచుల్లో 411 పరుగులు చేసింది 25 ఏళ్ల మంధాన. అందులో ప్రపంచకప్లో వెస్టిండీస్పై చేసిన ఓ సెంచరీ కూడా ఉంది. ఆస్ట్రేలియన్ అలిస్సా హీలీ అగ్రస్థానంలో ఉన్న ఈ టాప్ 10 బ్యాటర్ల జాబితాలో భారత్ నుంచి కేవలం స్మృతి మంధాన మాత్రమే ఉంది.
ఇక బౌలర్ల ర్యాంకింగ్స్లో ఐదు నుంచి ఆరో స్థానానికి పడిపోయింది గోస్వామీ. 39 ఏళ్ల గోస్వామీ.. ఈ ఏడాది 9 మ్యాచుల్లో 12 వికెట్లు పడగొట్టింది. ఇక ఆల్రౌండర్ల జాబితాలో ఏడో స్థానంలోనే కొనసాగుతోంది దీప్తి శర్మ.
ఇదీ చూడండి: Team India: సీనియర్లు హిట్.. జూనియర్లు ఫట్!
