Megastar Chiranjeevi Kohli dance: మెగాస్టార్ చిరంజీవి.. టాలీవుడ్లోనే కాదు భారత చిత్రసీమలో ఈ పేరుకు స్పెషల్ క్రేజ్ ఉంది. విరాట్ కోహ్లీ.. అలానే ఈ పేరుకు కూడా భారత క్రికెట్లో సూపర్ ఫ్యాన్ ఫాలోయింగ్ ఉంది. అయితే చిరు పాటకు విరాట్ స్టెప్పులెేస్తే.. ఎలా ఉంటుంది? ఆ ఊహే సూపర్ ఉంది కదూ. అవును కోహ్లీ నిజంగానే మెగాస్టార్ సాంగ్స్కు అప్పట్లో విపరీతంగా ఇష్టపడేవాడట! తెగ చిందులేసేవాడట.
ఈ విషయాన్ని విరాట్ స్నేహితుడు, రూమ్మేట్ అయిన తెలుగు క్రికెటర్ ద్వారక రవితేజ తెలిపాడు. చాలా కాలం తర్వాత వీరిద్దరూ కలుసుకున్నారు. ఈ సందర్భంగా ఫొటోలు దిగగా.. వాటిని రవితేజ తన ఇన్స్టాలో పోస్ట్ చేసి నాటి జ్ఞాపకాలను గుర్తుచేసుకున్నాడు.
"ఆరేళ్ల తర్వాత మేము కలుసుకున్నాం. వెంటనే అతడు ఏ చిరు ఎలా ఉన్నావు? అంటూ ఆప్యాయంగా పలకరించాడు. అండర్-15లో మేం రూమ్మేట్స్గా ఉన్నప్పుడు నేను ఎక్కువగా టీవీలో చిరంజీవి సాంగ్స్ను చూసేవాడిని. అప్పుడు కోహ్లీ ఆ పాటలకు తెగ డ్యాన్స్ వేసేవాడు. అప్పటి నుంచి మేము మా అసలైన పేర్లతో పిలుచుకోము. ఒకరినొకరు చిరు అని పిలుచుకుంటాము. ఆ మధుర జ్ఞాపకాలు.. ఇన్నాళ్లైనా అలానే ఉన్నాయి. ఏదీ మారలేదు. నిన్ను చూడటం చాలా ఆనందంగా ఉంది. త్వరలోనే మళ్లీ మనం కలుస్తాం అని ఆశిస్తున్నాను చిరు" అంటూ వ్యాఖ్య రాసుకొచ్చాడు రవితేజ.
- " class="align-text-top noRightClick twitterSection" data="
">
ఇదీ చూడండి: రోహిత్ భారీ సిక్సర్.. చిన్నారికి గాయం.. నొప్పితో విలవిల్లాడుతూ..
