KL Rahul News: భారత్-విండీస్ మధ్య జరగబోయే వన్డే సిరీస్ ఈ ఆదివారం నుంచి ప్రారంభం కానుంది. అయితే తొలి వన్డేకు వైస్ కెప్టన్ కేఎల్ రాహుల్ దూరమయ్యాడు. రాహుల్ గైర్హాజరు వెనుక కారణం అతని ఇంట్లో పెళ్లి బాజాలు మోగడమే అని సమాచారం. త్వరలో రాహుల్ చెల్లెలి వివాహం ఉండటం వల్ల ఆ పనుల్లో రాహుల్ నిమగ్నమైనట్లు తెలుస్తోంది. రాహుల్ రెండో వన్డేలో జట్టుతో కలుస్తాడని బీసీసీఐ ఇదివరకే స్పష్టం చేసింది.
మరోవైపు రాహుల్.. బాలీవుడ్ సీనియర్ నటుడు సునీల్ శెట్టి కుమార్తె అతియా శెట్టితో ప్రేమలో ఉన్నట్లు ఇప్పటికే వార్తలు చక్కర్లు కొడుతున్నాయి.
వన్డే వాయిదా?
విండీస్తో జరగాల్సిన మూడు వన్డేల సిరీస్పై అనుమానాలు వ్యక్తం అవుతున్నాయి. ఫిబ్రవరి 6న జరగనున్న తొలి మ్యాచ్ రెండు మూడు రోజుల పాటు వాయిదా పడే అవకాశం ఉందని క్రికెట్ వర్గాలు చెందిన ఓ ప్రతినిధి తెలిపారు. కాగా, ఇప్పటికే ఇవాళ జరగాల్సిన ప్రాక్టీస్ సెషన్ను కూడా రద్దు చేశారు.
ఇదీ చూడండి : IND VS WI: భారత్-వెస్టిండీస్ వన్డే సిరీస్ వాయిదా?
