ICC Men's Test, ODI Cricketer of 2021: పాకిస్థాన్ కెప్టెన్ బాబర్ అజామ్కు వన్డే ప్లేయర్ ఆఫ్ ది ఇయర్, ఇంగ్లాండ్ సారథి జో రూట్కు టెస్టు ప్లేయర్ ఆఫ్ ది ఇయర్-2021 అవార్డులు వరించాయి. దక్షిణాఫ్రికాపై 2-1తేడాతో పాక్.. సిరీస్ సొంతం చేసుకోవడంలో బాబర్ కీలక పాత్ర పోషించాడు. 228 అత్యధిక పరుగులు చేసిన రెండో ప్లేయర్గా నిలిచాడు. ఇంగ్లాండ్తో జరిగిన మూడు మ్యాచ్లు సిరీస్లో పాక్ క్లీన్స్వీప్ అయినప్పటికీ బాబర్ ఒంటరిగా పోరాడి 177 పరుగులు చేశాడు.
2021లో 15 మ్యాచులు ఆడిన జో రూట్.. 1708 పరుగులు చేశాడు. అందులో ఆరు సెంచరీలు ఉన్నాయి. శ్రీలంక, భారత్పై ఆడిన సిరీస్లలో అద్భుతంగా రాణించాడు. ఈ కారణంగానే వారికి ఈ పురస్కారాలను అందించింది ఐసీసీ.
కాగా, దక్షిణాఫ్రికా అంపైర్ మారయిస్ ఎరాస్మస్కు అంపైర్ ఆఫ్ ఇయర్ అవార్డు దక్కింది. అంతకుముందు 2016, 2017లోనూ అతడు ఈ పురస్కారాన్ని దక్కించుకున్నాడు.
ఇదీ చూడండి:
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
