కరోనా కారణంగా ఆస్ట్రేలియా అగ్రశ్రేణి క్రికెటర్లు ఐపీఎల్కు దూరమవుతున్నారు. ఆ దేశ స్టార్ ఆటగాళ్లు డేవిడ్ వార్నర్, స్టీవ్ స్మిత్ కూడా టోర్నీని వీడనున్నారని సమాచారం. ఓ ఆస్ట్రేలియా మీడియా సంస్థ నివేదిక మేరకు త్వరలోనే వీరిద్దరూ స్వదేశానికి పయనంకానున్నారని తెలుస్తోంది.
భారత్ నుంచి వ‌చ్చే విమానాల‌పై ఆస్ట్రేలియా నిషేధం విధించే అవ‌కాశం ఉందన్న వార్త‌ల నేపథ్యంలో అంత‌కుముందే ఇంటికి వెళ్లిపోవాల‌ని వార్నర్, స్మిత్ భావిస్తున్న‌ట్లు సమాచారం. ఇప్పటికే ఆర్సీబీ నుంచి ఆడ‌మ్ జంపా, కేన్ రిచ‌ర్డ్‌స‌న్‌, రాజ‌స్థాన్ రాయ‌ల్స్ ఆటగాడు ఆండ్రూ టై తమ స్వదేశమైన ఆస్ట్రేలియాకు వెళ్లిపోయారు.
ఐపీఎల్లో డేవిడ్ వార్నర్ సన్రైజర్స్ హైదరాబాద్ కెప్టెన్గా వ్యవహరిస్తుండగా.. దిల్లీ క్యాపిటల్స్లో స్టీవ్ స్మిత్ ఆడుతున్నాడు. అయితే భారత్లో ప్రస్తుతం నెలకొన్న సంక్షోభం నేపథ్యంలో తమ స్వదేశానికి వెళ్లేందుకు టోర్నీలో ఉన్న 30 మంది పేసర్లు, కోచ్లు, కామెంటేటర్లు సిద్ధమైనట్లు ఆ నివేదిక పేర్కొంది.
ఇదీ చూడండి.. ఆటతోనే కాదు.. అందంలోనూ భేష్!
