ముంబయి ఇండియన్స్ కెప్టెన్ రోహిత్ శర్మ, ఆల్రౌండర్ హార్దిక్ పాండ్యా వేగంగా కోలుకుంటున్నారని తెలిపాడు ఆ జట్టు పేసర్ ట్రెంట్ బౌల్ట్(Trent Boult on Rohit Sharma). అయితే.. గురువారం కోల్కతా నైట్రైడర్స్తో జరగనున్న మ్యాచ్లో మాత్రం వారిద్దరూ అందుబాటులో ఉండపోవచ్చని అభిప్రాయపడ్డాడు.
"రోహిత్, పాండ్యా కోలుకుంటున్నారు. రానున్న మ్యాచ్లో వారు ఆడతారా లేదా? అనే విషయంపై స్పష్టత లేదు. వారిద్దరూ ముంబయి జట్టులో కీలక ఆటగాళ్లు. వీలైనంత త్వరగా జట్టులో ప్రాతినిథ్యం వహించాలని వారూ కోరుకుంటున్నారు. సీఎస్కేతో మ్యాచ్లో కెప్టెన్ రోహిత్ లేని లోటు కనిపించింది. కానీ, అతడికి విశ్రాంతి ఇవ్వాలని టీమ్ మేనేజ్మెంట్ తీసుకున్న నిర్ణయం సరైనదే."
--ట్రెంట్ బౌల్ట్, ముంబయ్ ఇండియన్స్ పేసర్.
ఐపీఎల్లో గురువారం కోల్కతా నైట్రైడర్స్తో ముంబయి ఇండియన్స్(MI vs KKR 2021) తలపడనున్న నేపథ్యంలో బౌల్ట్ వ్యాఖ్యలకు ప్రాధాన్యం సంతరిచింకుంది. అయితే.. గతంలో కోల్కతాపై మంచి ఫలితాలనే రాబట్టింది ముంబయి జట్టు.. అయినా కోల్కతాను తక్కువ అంచనా వేయడానికి లేదని ట్రెంట్ బౌల్ట్ పేర్కొన్నాడు.
ఐపీఎల్ రెండోదశలోని తొలి మ్యాచ్లో సీఎస్కేతో తలపడిన ముంబయి జట్టు.. కెప్టెన్ రోహిత్, హార్దిక్ లేకుండానే బరిలోకి దిగింది. కిరన్ పొలార్డ్ సారథ్యంలో చెన్నై సూపర్కింగ్స్ చేతిలో ఓటమిపాలైంది.
ఇదీ చదవండి: Ml vs CSK: ప్రతీకారం తీర్చుకున్న సీఎస్కే.. ముంబయిపై విజయం
