ఐపీఎల్లో (IPL 2021) తమ సామర్థ్యం మేరకు ఆడటం లేదని అన్నాడు ముంబయి ఇండియన్స్ కెప్టెన్ రోహిత్ శర్మ. దిల్లీతో (MI vs DC) శనివారం మ్యాచ్లో ఓటమి అనంతరం ఈ మేరకు వ్యాఖ్యానించాడు.
"బ్యాట్స్మెన్ పరుగులు చేయకపోతే మ్యాచ్లు గెలవడం చాలా కష్టం. ఇది నాకూ వర్తిస్తుంది. మిడిల్ ఆర్డర్లో విఫలమయ్యాం. అది చాలా నిరాశ కలిగిస్తోంది. మా సామర్థ్యం మేరకు ఆడటం లేదు. మిగిలిన రెండు మ్యాచుల్లో మా స్థాయికి తగిన ప్రదర్శన చేస్తాం."
- రోహిత్ శర్మ, ముంబయి ఇండియన్స్ కెప్టెన్
షార్జా కఠినమైన వేదిక అని, అక్కడ పరుగులు చేయడం సులువు కాదని (IPL News) రోహిత్ అన్నాడు. పిచ్ స్వభావం తెలిసే బరిలోకి దిగినా.. భాగస్వామ్యాలు నెలకొల్పడంలో విఫలమైనట్లు చెప్పాడు.
చాలా కష్టపడ్డాం..
ఇది ఎంతో కష్టపడితే వచ్చిన విజయమని మ్యాచ్ అనంతరం వ్యాఖ్యానించాడు దిల్లీ కెప్టెన్ రిషభ్ పంత్ (Rishabh Pant). "షార్జాలో వికెట్ భిన్నంగా ఉంటుంది. ఈ సీజన్లో మాకు దొరికిన అత్యుత్తమ క్రికెటర్ అవేశ్. మేము (దిల్లీ క్యాపిటల్స్) మా తప్పిదాల నుంచి నేర్చుకొని, ముందుకెళ్తాం. మా బ్యాటింగ్ను బలోపేతం చేసుకోవాల్సిన అవసరం ఉంది." అని పంత్ అన్నాడు.
ముంబయికి కష్టమే..!
4 వికెట్ల తేడాతో పరాజయం పాలైన ముంబయికి ప్లే ఆఫ్ (IPL 2021 Playoffs) చేరడం సంక్లిష్టంగా మారింది. ముంబయి ప్లే ఆఫ్స్ చేరాలంటే మిగిలిన రెండు మ్యాచ్లు తప్పక గెలవడం సహా ఇతర జట్ల ఫలితాలపై ఆధారపడాల్సి ఉంటుంది.
ఇదీ చూడండి: MI vs DC: ఉత్కంఠ పోరులో దిల్లీ విజయం- ముంబయి అవకాశాలు సంక్లిష్టం!
