IPL Audience: ఐపీఎల్ 15వ సీజన్ ఆసక్తికరంగా సాగుతోంది. ఇప్పటికే సగం మ్యాచులు పూర్తయ్యాయి. ఏటా లీగ్లో అదరగొట్టే డిఫెండింగ్ ఛాంపియన్ చెన్నై సూపర్ కింగ్స్, అత్యధిక సార్లు టైటిల్ విజేత ముంబయి ఇండియన్స్ జట్లు ఈ సీజన్లో పేలవ ప్రదర్శనతో పాయింట్ల పట్టికలో అడుగున ఉన్నాయి. ఇక, అభిమానుల విషయానికొస్తే ప్రస్తుతం.. స్టేడియాలకు కొవిడ్ నిబంధనల దృష్ట్యా కేవలం 25 శాతం మందిని మాత్రమే అనుమతిస్తున్నారు. తాజాగా శనివారం బీసీసీఐ బోర్డు అపెక్స్ కౌన్సిల్ సమావేశం అనంతరం అధ్యక్షుడు సౌరవ్ గంగూలీ.. క్రికెట్ అభిమానులకు గుడ్న్యూస్ చెప్పారు.
"పురుషుల ఐపీఎల్ 15 సీజన్ నాకౌట్ దశ మ్యాచ్లు కోల్కతా, అహ్మదాబాద్ నగరాల్లో నిర్వహిస్తాం. ఆ మ్యాచ్లను వంద శాతం ప్రేక్షకుల సామర్థ్యంతో జరుగుతాయి. మే 24,26 తేదీల్లో కోల్‌కతాలో మొదటి ప్లే-ఆఫ్ ,ఎలిమినేటర్ మ్యాచ్లు జరగనున్నాయి. మే 27, 29 తేదీల్లో అహ్మదాబాద్‌లో రెండో ప్లే-ఆఫ్, ఫైనల్ మ్యాచ్లు జరగనున్నాయి" అని గంగూలీ తెలిపారు. మే 24 నుంచి 28 వరకు లఖ్నవూలోని ఎకానా స్టేడియంలో మూడు జట్ల మహిళల ఛాలెంజర్‌ సిరీస్ను కూడా నిర్వహించనున్నట్లు ఆయన వెల్లడించారు.
