చెన్నై సూపర్ కింగ్స్తో జరిగిన మ్యాచ్లో ఓడిన రాయల్ ఛాలెంజర్స్ బెంగళూరు.. తాజా పోరులో పంజాబ్ కింగ్స్‌ను ఓడించి గట్టి కమ్‌బ్యాక్ ఇచ్చింది. అటు బ్యాటింగ్లో ఇటు బౌలింగ్లో బాగా రాణించింది. బ్యాటింగ్లో కోహ్లీ, డుప్లెసిస్ ధనాధన్ ఇన్నింగ్స్.. బౌలింగ్లో మహ్మద్ సిరాజ్ సెన్సేషనల్ బౌలింగ్తో ఆర్సీబీ 24 పరుగుల తేడాతో విజయాన్ని అందుకుంది. దాదాపు ఏడాదిన్నర తర్వాత కెప్టెన్సీ అందుకున్న విరాట్ కోహ్లీ.. ఇది మంచి విజయం.
175 పరుగుల లక్ష్యంతో బ్యాటింగ్కు దిగిన పంజాబ్ కింగ్స్.. 18.2 ఓవర్లలో 150 పరుగులకు ఆలౌట్ అయింది. పంజాబ్ బ్యాటర్లలో ఓపెనర్‌ ప్రభ్‌సిమ్రన్‌ సింగ్ (46; 30 బంతుల్లో 3x4, 4x6), జితేశ్ శర్మ (41; 27 బంతుల్లో 2x4, 3x6) రాణించిన ఫలితం దక్కలేదు. ఆర్సీబీ బౌలర్లలో సిరాజ్ నాలుగు వికెట్లతో మెరవగా.. వసిందు హసరంగ 2, పార్నెల్, హర్షల్ పటేల్ తలో వికెట్ తీశారు.
అంతకుముందు టాస్‌ ఓడి బ్యాటింగ్కు దిగిన రాయల్ ఛాలెంజర్స్ బెంగళూరు నిర్ణీత 20 ఓవర్లలో 4 వికెట్లు కోల్పోయి 174 పరుగులు చేసింది. ఓపెనర్లు విరాట్ కోహ్లీ (59; 47 బంతుల్లో 5x4, 1x6), డు ప్లెసిస్‌ (84; 56 బంతుల్లో 5x4, 5x6) హాఫ్ సెంచరీలతో మెరిశారు. మ్యాక్స్‌వెల్ (0) డకౌట్గా వెనుదిరిగాడు. దినేశ్ కార్తిక్ (7) మళ్లీ విఫలమయ్యాడు. మహిపాల్ లోమ్రోర్ (7*), షాబాజ్‌ అహ్మద్‌ (5*) నాటౌట్‌గా నిలిచారు.
విరాట్, డు ప్లెసిస్‌ తొలుత దూకుడుగా ఆడటం వల్ల 11 ఓవర్లకు ఆర్సీబీ స్కోరు 98/0. దీంతో ఆర్సీబీ స్కోరు 200 ప్లస్ అవుతుందని అభిమానులు ఆశించారు. అయితే, తర్వాత పంజాబ్ బౌలర్లు కాస్త పుంజుకోవడం వల్ల స్కోరు బోర్డు కాస్త నెమ్మదించింది. ఫస్ట్ వికెట్‌కు కోహ్లీ, డు ప్లెసిస్‌ ద్వయం 137 పరుగులు నమోదు చేశారు. హర్‌ప్రీత్‌ బ్రార్‌ వేసిన 17 ఓవర్‌లో ఫస్ట్ బాల్కు విరాట్ కోహ్లీ (59), తర్వాతి బాల్కు మ్యాక్స్‌వెల్ (0) డకౌట్ అయ్యారు. కోహ్లీ.. వికెట్ కీపర్‌ జితేశ్ శర్మకు క్యాచ్‌ ఇచ్చి ఔట్ అవ్వగా.. మ్యాక్స్‌వెల్ అథర్వ తైడేకు చిక్కి పెవిలియన్ చేరాడు. ఇక నాథన్‌ ఎల్లిస్‌ వేసిన 18 ఓవర్‌లో డు ప్లెసిస్‌ లాంగాఫ్‌లో ఆడి.. సామ్‌ కరన్‌ చేతికి చిక్కాడు. అర్ష్దీప్ సింగ్ వేసిన 19 ఓవర్‌లో దినేశ్ కార్తిక్ అథర్వ తైడేకు క్యాచ్‌ ఇచ్చి ఔట్ అయ్యాడు. దీంతో ఆర్సీబీ అనుకున్న దానికన్నా తక్కువ స్కోరుకే 174 పరుగులకు తమ ఇన్నింగ్స్‌ను క్లోజ్ చేసింది. పంజాబ్ బౌలర్లలో హర్‌ప్రీత్‌ బ్రార్‌ 2 వికెట్లు పడగొట్టాడు. నాథన్‌ ఎల్లిస్‌, అర్ష్దీప్ సింగ్ తలో వికెట్ తీశారు.
ఇదీ చూడండి: ఏంది దినేశ్ కార్తిక్.. టీమ్లో ఎందుకున్నావో మర్చిపోయావా?
