ఐపీఎల్ 2023లో భాగంగా సన్రైజర్స్ హైదరాబాద్, కోల్కతా నైట్ రైడర్స్ మధ్య ఆసక్తికర మ్యాచ్ జరిగింది. టాస్ ఓడి మొదట బ్యాటింగ్ చేసిన హైదరాబాద్ నిర్ణీత 20 ఓవర్లలో 2 వికెట్ల నష్టానికి 228 పరుగులు చేసి.. కోల్కతాకు 229 పరుగుల లక్ష్యాన్ని నిర్దేశించింది. బ్యాటర్ హ్యారీ బ్రూక్(100*) విధ్వంసకర ఇన్నింగ్స్ ఆడి.. సెంచరీ పూర్తి చేశాడు. ఐదెన్ మార్క్రమ్ (50) హాఫ్ సెంచరీతో చెలరేగి పోయాడు. అభిషేక్ శర్మ(32) ఫర్వాలేదనిపించగా.. రాణిస్తారనుకున్న మయాంక్ అగర్వాల్(9), రాహుల్ త్రిపాఠి(9) సింగిల్ డిజిట్ స్కోరుకే పరిమితమయ్యారు. క్లాసెన్(15*) పరుగులు చేశాడు. కోల్కతా బౌలర్లలో ఆండ్రూ రస్సెల్ 3 వికెట్లు తీసి అదరగొట్టాడు. వరుణ్ చక్రవర్తి ఒక వికెట్ తీశాడు.
సీజన్లో ఫస్ట్ సెంచరీ.. హ్యారీ బ్రూక్ ఘనత..
వైఫల్యాలను దాటుకుంటూ.. భారీ స్కోర్ సాధించింది సన్రైజర్స్ హైదరాబాద్ జట్టు. మెరుపు షాట్లతో బ్యాటర్లు.. కోల్కతా బౌలర్లకు చుక్కలు చుపించారు. అందులోనూ ఓపెనర్ హ్యారీ బ్రూక్.. వన్ మ్యాన్ షో చూపించాడు. మ్యాచ్ ఆది నుంచి అంతం వరకు బౌండరీలతో మొత మోగించాడు. 12 ఫోర్లు, 3 సిక్సులతో.. 55 బంతుల్లో సెంచరీ పూర్తి చేసుకున్నాడు. ఇండియన్ ప్రీమియర్ లీగ్ 16వ సీజన్లో మొదటి సెంచరీ సాధించిన ప్లేయర్గా రికార్డు నమోదు చేశాడు. మార్క్రమ్ కూడా దాదాపు 190 స్ట్రైక్ రేట్తో చెలరేగిపోయాడు. ఇద్దరు దాదాపు సమానమైన స్ట్రైక్ రేటుతో విధ్వంసకర ప్రదర్శన చేస్తూ.. ప్రేక్షకుల హార్ట్ బీట్ పేరిగేలా చేశారు. చివర్లో క్లాసెన్ కూడా 225 స్ట్రైక్ రేటుతో మెరుపు షాట్లు ఆడాడు.
బ్రూక్ సంచలన రికార్డు..
145 ఏళ్ల టెస్టు క్రికెట్‌ చరిత్రలో.. 9 ఇన్నింగ్స్‌ల్లో 8వందలకు పైగా పరుగులు సాధించిన బ్యాటర్‌గా నిలిచాడు బ్రూక్. టెస్టుల్లో వందకుపైగా సగటుతో కొనసాగుతున్నాడు. ఇప్పటి వరకు మొదటి 9 ఇన్నింగ్స్‌ల్లో అత్యధిక పరుగులు చేసిన బ్యాటర్‌గా టీమ్‌ఇండియా మాజీ క్రికెటర్‌ వినోద్ కాంబ్లీ (798) పేరిట ఉండేది. హెర్బర్ట్‌ సుట్ల్కిఫ్‌ (780 పరుగులు), సునీల్‌ గావస్కర్‌ (778 పరుగులు), ఎవర్టన్ వీకెస్ (777 పరుగులు)ను బ్రూక్ అధిగమించాడు.
ప్రస్తుతం న్యూజిలాండ్‌తో జరుగుతున్న రెండో టెస్టు మ్యాచ్‌లో ఇంగ్లాండ్‌ ఆటగాడు బ్రూక్ హ్యారీ 184 పరుగులతో కొనసాగుతున్నాడు. టెస్టుల్లోనూ దూకుడుగా ఆడాలనే తమ జట్టు సిద్ధాంతానికి బాగా కనెక్ట్‌ అయినట్లు ఉన్నాడు. తొలుత 107 బంతుల్లో సెంచరీ పూర్తి చేసిన బ్రూక్.. మరో 62 బంతుల్లోనే 84 పరుగులు జోడించాడు. మరోవైపు సీనియర్ బ్యాటర్ జో రూట్ (101*) కూడా సెంచరీ బాదేశాడు. వీరిద్దరూ నాలుగో వికెట్‌కు ఏకంగా 294 పరుగులు జోడించారు. దీంతో తొలి రోజు ఆట ముగిసే సమయానికి ఇంగ్లాండ్‌ 315/3 స్కోరు సాధించింది.
