IPL 2023 Eliminator LSG vs MI : ఓటమికి పూర్తి బాధ్యత తనదేనని చెప్పాడు లఖ్నవూ జట్టు కెప్టెన్ కృనాల్ పాండ్య. బుధవారం జరిగిన ఎలిమినేటర్ మ్యాచ్లో ముంబయి చేతిలో 81 పరుగుల తేడాతో ఓటమిపాలైంది లఖ్నవూ. ఈ ఓటమిపై స్పందించిన కృనాల్ పాండ్య.. తాను సరిగా బ్యాటింగ్ చేయకపోవడం వల్లే ఓడిపోయామని అన్నాడు.
'నేను ఆ షాట్ ఆడకపోయి ఉంటే బాగుండేది. అతడు వికెట్ కోల్పోవడం వల్ల వికెట్‌తో లక్నో పతనం మొదలైంది. టార్గెట్ను ఛేదించే క్రమంలో మొదట్లోనే వికెట్లు కోల్పోయాం. అయినా స్టాయినిస్ బ్యాటింగ్‌తో 69/2తో పుంజుకునే స్థితిలోనే ఉన్నాం. కానీ ఆ సమయంలో నేను ఆడిన చెత్త షాట్తో మా పతనం ప్రారంభమైంది. నేను ఆ షాట్ ఆడకూడదు. సులభంగా గెలిచే మ్యాచ్లో నా వల్లే లఖ్నవూ ఓటమిపాలైంది. ఈ పరాజయానికి పూర్తి బాధ్యత నాదే. అయితే, వికెట్లో మార్పు లేదు. మేము కొంచెం మెరుగ్గా ఆడాల్సింది. కానీ మేము అలా చేయలేదు. ఇంకో ముఖ్య విషయం ఏంటంటే.. మొదటి టైమ్ ఔట్ బ్రేక్ తర్వాత వరుసగా వికెట్లు కోల్పోయాం. కెయిల్ మేయర్స్, క్వింటన్ డికాక్.. వీరిద్దరిలో ఎవర్ని ఆడించాలన్నిది కాస్త కఠినమైన నిర్ణయమే. అయితే, చెన్నైలో మేయర్స్కు మంచి రికార్డు ఉంది. దీంతో అలాంటి సమయాల్లో మేయర్స్నే ఆడించాం. ఇక, మ్యాచ్ ప్రారంభంలో స్పిన్నర్లను బరిలోకి దింపాం' అని చెప్పుకొచ్చాడు. అయితే, డికాక్ స్థానంలో మేయర్స్ను ఆడించడానికే లఖ్నవూ జట్టు మొగ్గు చూపుతూ వస్తోంది. మేయర్స్ను ఇంపాక్ట్ ప్లేయర్గా తీసుకుంటుండగా.. డికాక్ ఐదుగురు సబ్స్టిట్యూట్లలో కూడా లేకపోవడం గమనార్హం.
లఖ్నవూ ఓటమికి ఇవే కారణాలు..
బ్యాటర్ల మధ్య సమన్వయ లోపం ఈ మ్యాచ్లో లఖ్నవూ కొంపముంచింది. ఒకే ఇన్నింగ్స్లో మూగ్గురు రన్ఔట్ అయ్యారు. ఇందులో విచిత్రమేంటంటే.. ఈ మూడు రన్ఔట్లకు కారణం దీపక్ హుడానే. మొదటి రెండు రన్ఔట్లకు అతడే కారణమయ్యాడు. చివరకు తాను కూడా అలాగే పెవిలియన్ చేరాడు. ఇక, కేఎల్ రాహుల్ గాయం కారణంగా కెప్టెన్ బాధ్యతలు చేపట్టాడు కృనాల్ పాండ్య. లీగ్ స్టేజ్లో జట్టును బాగానే నడిపించినా.. కీలకమైన ఎలిమినేటర్ మ్యాచ్లో డికాక్ బదులు మేయర్స్ను ఆడించటం దెబ్బతీసింది. దీంతోపాటు ఫామ్లో లేని దీపక్ హుడాకు అవకాశం ఇవ్వడం కూడా దానికి ఆజ్యం పోసింది. ఇక, టీమ్లో పలుమార్లు మార్పులు చేయడం కూడా జట్టును దెబ్బతీసింది. అయితే, గత సీజన్లో కూడా క్వాలిఫయర్లో అడుగుపెట్టింది లఖ్నవూ జట్టు. కానీ ఫైనల్స్కు చేరుకోలేకపోయింది.
