ఇండియన్ ప్రీమియర్ లీగ్(ఐపీఎల్) అంటేనే క్రికెట్ ప్రేమికులకు గుర్తొచ్చేది బ్యాటర్ల ధనాధన్ ఇన్నింగ్స్. వారు భారీ సిక్సర్లు, ఫోర్లతో విజృంభిస్తుంటే వచ్చే మజానే వేరు. క్రిస్ గేల్, రస్సెల్, పొలార్డ్, వార్నర్, కోహ్లీ, రాహుల్, రైనా.. ఇలా చెప్పుకుంటూ పోతే చాలా మంది ఆటగాళ్లు ఈ జాబితాలోకి వస్తారు. అయితే వీరందరిలో ఆస్ట్రేలియా స్టార్ ఓపెనర్ డేవిడ్ వార్నర్ది ఓ ప్రత్యేక శైలి. ప్రస్తుత క్రికెట్ చరిత్రలో ఓ గొప్ప ఆటగాడిగా తనకంటూ ప్రత్యేక గుర్తింపు తెచ్చుకున్నాడు. ఫార్మాట్కు తగ్గట్టు ఆడుతూ పరుగులను తన ఖాతాలో వేసుకుంటుంటాడు. ఐపీఎల్లోనూ తన బ్యాటింగ్ స్టైల్తో బెస్ట్ బ్యాటర్ మంచి ఫ్యాన్ బేస్ను క్రియేట్ చేసుకున్నాడు. ఈ మెగాలీగ్లో కొన్ని రికార్డులను తన పేరిట రాసుకున్నాడు.
అయితే ప్రస్తుత సీజన్లో దిల్లీ క్యాపిటల్స్కు కెప్టెన్గా వ్యవహరిస్తున్నాడు వార్నర్. ఇప్పటివరకు ఆడిన నాలుగు మ్యాచుల్లోనూ దిల్లీ జట్టు ఓడిపోయి, పాయింట్ల పట్టికలో ఆఖరి స్థానంలో నిలిచింది. అయితే ఈ నాలుగు మ్యాచుల్లోనూ మూడింటిలో వార్నర్ హాఫ్ సెంచరీలతో అదరగొట్టడం విశేషం. కానీ ఇక్కడ ఓ విషయాన్ని గమనిస్తే.. అతడు పరుగులు చేస్తున్నాడు కానీ.. చాలా నెమ్మదిగా ఆడుతున్నాడు. దీంతో అతడు స్లో బ్యాటింగ్ విమర్శలను కూడా ఎదుర్కొంటున్నాడు. సోషల్ మీడియా వేదికగా కొంచెం ట్రోల్స్కు కూడా గురౌతున్నాడు.
గత నాలుగు మ్యాచుల గణాంకాలను పరిశీలిస్తే లఖ్నవూతో జరిగిన మ్యాచులో 48 బంతుల్లో 56 పరుగులు, గుజరాత్ టైటాన్స్తో జరిగిన మ్యాచులో 32 బంతుల్లో 37 పరుగులు, రాజస్థాన్ రాయల్స్తో జరిగిన మ్యాచులో 55 బంతుల్లో 65 పరుగులు, తాజాగా ముంబయి ఇండియన్స్తో జరిగిన మ్యాచులో 47 బంతుల్లో 51 పరుగులు చేశాడు. ఈ నాలుగు మ్యాచులు కలిసి అతడి స్టైక్ రేట్ 114.83గా ఉంది. కానీ ఈ ఫార్మాట్ టీ20 అని గుర్తించాలి. ఐపీఎల్లో తక్కువ బంతుల్లోనే ఎక్కువ పరుగులు చేసేలా ధనాధన్ ఇన్నింగ్స్ ఆడాలి. అప్పుడే కదా టీమ్కు విజయావకాశాలు ఎక్కువగా ఉంటాయి. లేదంటే ఈ స్లో బ్యాటింగ్ వల్ల ఓటములకే ఎక్కువ ఛాన్స్లు ఉంటాయి. అయితే వార్నర్ ఇలా నెమ్మదిగా ఆడటం వెనక ఓ ప్లాన్ ఉన్నట్లు సోషల్మీడియాలో క్రికెట్ అభిమానులు మాట్లాడుకుంటున్నారు.
ఈ ఏడాది వన్డే ప్రపంచ కప్ 2023కు భారత్ ఆతిథ్యం ఇవ్వనుంది. కాబట్టి ఇక్కడి పిచ్లపై ఇప్పటికే డేవిడ్ భాయ్కు ఆడిన అనుభవం కూడా ఉంది. ఆ అనుభవాన్ని మరింతగా పెంచుకునేందుకు.. వార్నర్ సిద్ధం అవుతున్నాడని అంటున్నారు. అందుకే ఇలా నెమ్మదిగా ఆడుతూ ఇప్పటి నుంచే సన్నద్ధమవుతున్నాడని చెప్పుకుంటున్నారు. ఫైనల్గా వార్నర్ పెద్ద ప్లానే వేశాడని కామెంట్లు పెడుతున్నారు. అయితే మరికొంత మంది మాత్రం.. మిగతా బ్యాటర్ల నుంచి సహకారం లభించకపోవడం వల్ల.. కనీసం తానైనా స్లోగా ఆడి ఔట్ అవ్వకుండా క్రీజులో ఉండాలని అలా అడుతున్నాడని అంటున్నారు.
ఇదీ చూడండి: IPL 2023: వరుస మ్యాచులు ఓడినా.. వార్నర్ సరికొత్త రికార్డు.. తొలి క్రికెటర్గా
