IPL 2022 FINAL: గుజరాత్ బౌలర్ల ధాటికి రాజస్థాన్ బ్యాటర్లు బెంబేలెత్తిపోయారు. కెప్టెన్ హార్దిక్ పాండ్య (3 వికెట్లు) బంతితో చెలరేగిన వేళ.. స్వల్ప స్కోరుకే పరిమితమైంది రాజస్థాన్. టాస్ గెలిచి బ్యాటింగ్ ఎంచుకున్న సంజూసేన.. నిర్ణీత 20 ఓవర్లలో 130/9 పరుగులు చేసింది. ఓపెనర్లు యశస్వీ జైస్వాల్ (22), జోస్ బట్లర్ (39) మాత్రమే ఫర్వాలేదనిపించారు. కెప్టెన్ సంజూ శాంసన్ (14) సహా మిగిలిన బ్యాటర్లందరూ విఫలమయ్యారు. దీంతో గుజరాత్ ముందు 131 పరుగుల లక్ష్యాన్ని నిలిపింది రాజస్థాన్.
గుజరాత్ బౌలర్లలో హార్దిక్ 3, సాయి కిశోర్ 2, యశ్ దయాల్, రషీద్ ఖాన్, షమీ తలో వికెట్ పడగొట్టారు.
