ఐపీఎల్లో(ipl 2021) కొత్త జట్ల ప్రకటనకు తేదీ ఖరారైంది. మంగళవారం(సెప్టెంబరు 28) సమావేశమైన పాలకమండలి.. దీనిపై నిర్ణయం తీసుకుంది. టీ20 ప్రపంచకప్లో(t20 world cup 2021) భారత్-పాకిస్థాన్(ind vs pak t20) మ్యాచ్ జరిగిన తర్వాత రోజే ఐపీఎల్ కొత్త టీమ్ల పేర్లు వెల్లడిస్తామని తెలిపింది.
"అక్టోబరు 25న ఐపీఎల్ కొత్త జట్లు ప్రకటిస్తాం. ఆ తర్వాత 2023-2027కు సంబంధించి మీడియా హక్కుల టెండర్ను విడుదల చేస్తాం" అని బీసీసీఐ ఓ ప్రకటనలో పేర్కొంది.
ఆ జట్లు ఏంటో?
ప్రస్తుతం లీగ్లో ఎనిమిది జట్లు ఉన్నాయి. మరో రెండు జట్లు కలిస్తే.. మ్యాచ్లు పెరగడం సహా కొత్త క్రికెటర్లకు అవకాశాలు వస్తాయి. అయితే ఆ రెండూ ఏయే ప్రాంతాలకు చెందినవి ఉంటాయో చూడాలి.
జనవరిలో 'మెగావేలం'
దాదాపు 14 ఏళ్ల విరామం తర్వాత ఐపీఎల్లో మళ్లీ 'మెగావేలం'(ipl mega auction 2022) జరగనుంది. వచ్చే జనవరిలో ఈ ఈవెంట్ నిర్వహిస్తారు. ఇందులో భాగంగా అన్ని జట్లకు చెందిన ఆటగాళ్లు వేలంలో ఉంటారు. కెప్టెన్తో సహా ప్రతి ఒక్కరినీ ఆయా ఫ్రాంచైజీలు మళ్లీ కొనుగోలు చేయాల్సి ఉంటుంది.
ఇవీ చదవండి:
