అహ్మదాబాద్ వేదికగా కోల్కతాతో జరుగుతోన్న మ్యాచ్లో పంజాబ్ 9 వికెట్ల నష్టానికి 123 పరుగులు చేసింది. మయాంక్ అగర్వాల్(34 బంతుల్లో 31 పరుగులు), రాహుల్(20 బంతుల్లో 19 పరుగులు), పూరన్(19 బంతుల్లో 19 పరుగులు) రాణించలేకపోయారు. కేకేఆర్ బౌలర్లలో ప్రసిధ్ కృష్ణ 3, నరైన్, కమిన్స్ తలా రెండు వికెట్లు తీసుకున్నారు.
ఇదీ చదవండి: 'బయట భయానకం.. బబుల్లోనే సురక్షితం'
టాస్ ఓడి తొలుత బ్యాటింగ్కు దిగిన పంజాబ్ ఆది నుంచి నెమ్మదిగా ఆడింది. ఓపెనర్లు రాహుల్-అగర్వాల్ తొలి వికెట్కు 36 పరుగులు జోడించారు. ఇన్నింగ్స్ ఆరో ఓవర్లో రాహుల్ను ఔట్ చేయడం ద్వారా కేకేఆర్కు తొలి వికెట్ అందించాడు కమిన్స్. తర్వాత ఓవర్లోనే ప్రమాదకర గేల్ డకౌట్గా వెనుదిరిగాడు. తర్వాత వచ్చిన బ్యాట్స్మెన్ ఎవరూ ఆకట్టుకోలేకపోయారు. చివర్లో క్రిస్ జోర్డాన్(18 బంతుల్లో 30 పరుగులు) కాస్త వేగంగా ఆడాడు. దీంతో పంజాబ్ ఆ మాత్రం స్కోరైనా చేయగలిగింది.
ఇదీ చదవండి: హాకీ కెప్టెన్ రాణి రాంపాల్తో సహా ఏడుగురికి కరోనా
