రాయల్ ఛాలెంజర్స్ బెంగళూరు ఫ్రాంచైజీపై తనకున్న అభిమానాన్ని చాటుకున్నాడు ఆ జట్టుకు ఆడుతున్న ఆల్రౌండర్ గ్లెన్ మ్యాక్స్వెల్. ఈసారి ఐపీఎల్ కోసం భారతదేశానికి వచ్చిన తొలి రోజు నుంచి ఆర్సీబీ ఫ్రాంచైజీని తన సొంత ఇంటిలా భావిస్తానని అన్నాడు.
ఐపీఎల్లో కొంత కాలంగా పేలవ ప్రదర్శన చేస్తన్న మ్యాక్స్వెల్.. ప్రస్తుత సీజన్లో బాగా ఆడుతున్నాడు. ఇప్పటివరకు జరిగిన మూడు మ్యాచుల్లో కలిపి 176 పరుగులు చేశాడు. ఆర్సీబీ తన తర్వాతి మ్యాచ్లో నేడు(గురువారం) రాజస్థాన్ రాయల్స్తో తలపడనుంది. ముంబయి వాంఖడే స్డేడియం వేదికగా ఈ పోరు జరగనుంది.
"వాంఖడేలో పరిస్థితులు కొంచెం భిన్నంగా ఉంటాయి. ఈ సీజన్లో ఈ మైదానం వేదికగా ఇప్పటివకు మంచి స్కోర్లు నమోదయ్యాయి. మా బ్యాటింగ్ దళం బలంగా ఇకపై కూడా ఇలానే కొనసాగిస్తే ఆసక్తికరంగా ఉంటుంది" అని మ్యాక్స్వెల్ చెప్పాడు. అలానే కోహ్లీ గొప్ప సారథి అని కితాబిచ్చాడు.
