ఐపీఎల్లో కరోనా కలకలం ఇంకా కొనసాగుతోంది. ఇప్పటికే పలువురు ఆటగాళ్లు కరోనా బారినపడగా తాజాగా చెన్నై సూపర్ కింగ్స్ బ్యాటింగ్ కోచ్ మైఖేల్ హస్సీకి పాజిటివ్గా నిర్ధరణ అయింది. అయితే శాంపిల్ను రీటెస్టు కోసం పంపించామని.. ఆ ఫలితం వచ్చాకే అధికారిక ప్రకటన చేస్తామని సీఎస్కే ప్రతినిధి తెలిపారు. ఇప్పటికే ఈ జట్టు బౌలింగ్ కోచ్ బాలాజీ, బస్ క్లీనర్కు పాజిటివ్ రాగా వారు ఐసోలేషన్కు వెళ్లారు.
కరోనా కారణంగా ఐపీఎల్ను నిరవధిక వాయిదా వేసింది బీసీసీఐ. మ్యాచ్లు సజావుగా సాగుతున్న తరుణంలో కేకేఆర్ ఆటగాడు వరుణ్ చక్రవర్తి, సందీప్ వారియర్కు కరోనా సోకింది. అలాగే సన్రైజర్స్ కీపర్ సాహా, దిల్లీ స్పిన్నర్ అమిత్ మిశ్రాలకు పాజిటివ్గా నిర్ధరణ అయింది. దీంతో ఆందోళన చెందిన నిర్వాహకులు.. ఆటగాళ్ల రక్షణ దృష్ట్యా లీగ్ను వాయిదా వేశారు.
