ఐపీఎల్ (IPL 2021 News)లో మరో రసవత్తర పోరుకు రంగం సిద్ధమైంది. నేడు (సెప్టెంబర్ 25) పాయింట్ల పట్టికలో అగ్రస్థానమే లక్ష్యంగా ఆడుతున్న దిల్లీ క్యాపిటల్స్తో ప్లే ఆఫ్స్ బెర్తు కోసం శ్రమిస్తున్న రాజస్థాన్ రాయల్స్(rr vs dc 2021) తలపడనుంది. ఈ రెండు జట్లు గత మ్యాచ్ల్లో విజయాలతో ఆత్మవిశ్వాసంతో ఉన్నాయి. చివరగా జరిగిన మ్యాచ్లో సన్రైజర్స్పై 8 వికెట్ల తేడాతో దిల్లీ విజయభేరి మోగించగా.. పంజాబ్ కింగ్స్(pk vs rr 2021)పై ఉత్కంఠ పోరులో రెండు పరుగుల తేడాతో గెలుపు రుచి చూసింది రాజస్థాన్(rajasthan royals players 2021).
రాజస్థాన్(rajasthan royals players 2021) బ్యాటింగ్ విషయానికి యువ ఓపెనర్లు యశస్వి జైస్వాల్, మహిపాల్ లోమ్రోర్ ఆకట్టుకునే ప్రదర్శన చేస్తున్నారు. కెప్టెన్ శాంసన్ మరింత బాధ్యతగా ఆడాల్సి ఉంది. బౌలింగ్లో బంగ్లాదేశ్ స్టార్ పేసర్ ముస్తాఫిజుర్ రెహమాన్తో పాటు యువ బౌలర్ కార్తీక్ త్యాగి అద్భుతంగా బౌలింగ్ చేస్తున్నారు. పంజాబ్(pk vs rr 2021)తో జరిగిన మ్యాచ్లో ప్రత్యర్థి విజయానికి చివరి రెండు ఓవర్లలో 8 పరుగులు కావాల్సి ఉండగా.. రెహమాన్ కేవలం నాలుగు పరుగులే ఇవ్వగా.. చివరి ఓవర్లో త్యాగి కేవలం ఒకే రన్ ఇచ్చి రెండు వికెట్లతో జట్టుకు విజయాన్ని అందించాడు.
దిల్లీ విషయానికి వస్తే బ్యాటింగ్లో ఓపెనర్లు ధావన్, పృథ్వీ షా మంచి ఆరంభాన్ని అందిస్తున్నారు. ధావన్ ఇప్పటికే సీజన్లో టాప్ స్కోర్(422)గా కొనసాగుతున్నాడు. వీరిద్దరూ ఇప్పటికే సీజన్లో 88 సిక్సులు, 21 ఫోర్లు బాదారు. ఇలాంటి విధ్వంసకర ఓపెనర్లను ఆపడానికి రాజస్థాన్ చాలా శ్రమించాల్సి ఉంటుందని విశ్లేషకులు అభిప్రాయపడుతున్నారు. వీరి తర్వాత యువ ఆటగాడు శ్రేయస్ అయ్యర్, కెప్టెన్ పంత్ మంచి ఫామ్లో ఉన్నారు. మిడిలార్డర్లో స్మిత్, హెట్మెయర్ కూడా ఆకట్టుకునే వీలుంది. బౌలింగ్ విభాగంలో పేసర్లు రబాడ, నోర్ట్జే, ఆవేశ్ ఖాన్ ప్రత్యర్థిని దెబ్బతీయడంలో దిట్టగా తయారయ్యారు.
జట్లు (అంచనా)
దిల్లీ క్యాపిటల్స్
పృథ్వీ షా, ధావన్, శ్రేయస్ అయ్యర్, పంత్ (కెప్టెన్), స్టోయినిస్/స్మిత్, హెట్మెయర్, అక్షర్ పటేల్, రవి అశ్విన్, రబాడ, ఎన్రిచ్ నోర్ట్జే, ఆవేశ్ ఖాన్
రాజస్థాన్ రాయల్స్
ఎవిన్ లూయిస్, యశస్వి జైస్వాల్, సంజూ శాంసన్(కెప్టెన్), లివింగ్స్టోన్, మహిపాల్ లోమ్రోర్, రియాన్ పరాగ్, రాహుల్ తెవాటియా, క్రిస్ మోరిస్, చేతన్ సకారియా, కార్తీక్ త్యాగి, ముస్తాఫిజుర్ రెహ్మన్.
