IPL 2022 venue ganguly: ఈ సీజన్ ఐపీఎల్ వేదికపై వస్తోన్న సందేహాలకు బీసీసీఐ అధ్యక్షుడు గంగూలీ తెరదించాడు. టోర్నీ మొత్తం స్వదేశంలోనే నిర్వహించనున్నట్లు స్పష్టం చేశాడు. అయితే కరోనా కేసుల పెరుగుదల అంశంపై ఈ నిర్ణయం ఆధారపడి ఉంటుందని వెల్లడించాడు.
"ఈ ఏడాది ఐపీఎల్ భారత్లోనే నిర్వహిస్తాం. అయితే కరోనా విజృంభణ తారస్థాయికి చేరనంత వరకే. మహారాష్ట్రలోని ముంబయి, పుణెలో మ్యాచులు నిర్వహిస్తాం. నాకౌట్ దశకు త్వరలోనే వేదికను ఖరారు చేస్తాం."
-గంగూలీ, బీసీసీఐ అధ్యక్షుడు.
కాగా, బెంగళూరులో ఫిబ్రవరి 12,13 తేదీల్లో ఈ సీజన్ మెగావేలం జరగనుంది. దీనిపై సర్వత్రా ఆసక్తి నెలకొంది. ఇప్పటికే ఈ వేలంలో పాల్గొనే ఆటగాళ్ల జాబితాను బీసీసీఐ ప్రకటించింది. మొత్తం 590 మంది క్రికెటర్లు ఈ ఆక్షన్లో పాల్గొనబోతున్నారు.
ఇదీ చూడండి: IND VS WI: భారత్-వెస్టిండీస్ వన్డే సిరీస్ వాయిదా?
