Couple Lip Kissing IPL: గుజరాత్ టైటాన్స్, దిల్లీ క్యాపిటల్స్ మధ్య శనివారం పుణె వేదికగా మ్యాచ్ జరిగింది. హోరాహోరీగా సాగిన ఈ పోరులో.. గుజరాత్ 14 పరుగుల తేడాతో విజయం సాధించింది. అయితే.. మ్యాచ్ జరుగుతున్న సమయంలో స్టాండ్స్లో ఓ ఊహించని సంఘటన చోటు చేసుకుంది. ఓ జంట లిప్ కిస్ పెట్టుకుని అందర్నీ ఆశ్చర్యానికి గురి చేసింది. స్టేడియంలో అంత మంది ఉన్నా.. చుట్టుపక్కల వారిని ఎవరినీ పట్టించుకోకుండా ఆ జంట కాసేపు ముద్దులాటలో మునిగిపోయింది. ఈ ఫొటోను ఎవరో ఫొటో తీసి సోషల్ మీడియాలో పోస్ట్ చేయగా.. నెట్టింట వైరల్గా మారింది. దీనిపై నెటిజన్లు మీమ్స్, ట్రోల్స్ చేస్తున్నారు. ఐపీఎల్ను ఈ జోడీ మరో లెవల్కు తీసుకెళ్లిందని ఒకరంటే.. మరికొందరు ఆ కెమెరామెన్ పనితనాన్ని మెచ్చుకుంటున్నారు.
గుజరాత్ గెలుపు: తొలుత బ్యాటింగ్ చేసిన గుజరాత్ టైటాన్స్ నిర్ణీత 20 ఓవర్లలో 6 వికెట్లకు 171 పరుగులు చేసింది. శుభ్మన్ గిల్(46 బంతుల్లో 84) అద్భుతమైన ఇన్నింగ్స్ ఆడాడు. హార్దిక్ పాండ్య(31), మిల్లర్(20*) పరుగులతో రాణించారు. దిల్లీ బౌలర్లలో ముస్తాఫిజుర్ 3, ఖలీల్ అహ్మద్ 2 వికెట్లు తీశారు. అనంతరం.. బ్యాటింగ్కు దిగిన దిల్లీకి శుభారంభం దక్కలేదు. ఓపెనర్లు టిమ్ సీఫర్ట్(3), పృథ్వీషా(10) పరుగులకే వెనుదిరిగారు. పంత్(43), లలిత్ యాదవ్(25), పావెల్(20) ఆడినా.. జట్టును గెలిపించలేకపోయారు. గుజరాత్ బౌలర్లలో ఫెర్గూసన్ 4, షమీ 2 వికెట్లు తీశారు.
ఇవీ చూడండి: ఫైనల్లో 'హేలీ' ప్రపంచ రికార్డ్.. ఇంగ్లాండ్ ముందు భారీ లక్ష్యం
