కరోనా కారణంగా వచ్చే ఐపీఎల్లో ట్రేడింగ్ విండో ద్వారా ఆటగాళ్లను జట్టులోకి తీసుకుంటామని తెలిపాడు ముంబయి ఇండియన్స్ హెడ్ కోచ్ మహేలా జయవర్ధనే. వచ్చే సీజన్లోనూ తాము గెలుస్తామని ధీమా వ్యక్తం చేశాడు.
"సాధారణమైన పద్ధతి ద్వారానే ప్రతిఏటా ప్రతిభ ఉన్న ఆటగాళ్లను జట్టులోకి తీసుకుంటాం. కానీ ఈ సారి కారోనా కారణంగా మాకు అంత సమయం లేదు. కాబట్టి మిగతా ఫ్రాంచైజీలతో సంప్రదింపులు జరిపి ట్రేడింగ్ ద్వారా ఆటగాళ్లను తీసుకోవచ్చు. మా జట్టు మరింత బలంగా తయారవ్వాలంటే మాకు మరో దారి లేదు.
-జయవర్ధనే, ముంబయి ఇండియన్స్ హెడ్కోచ్.
ముంబయి జట్టు.. ఈ ఐపీఎల్ ముందు వరకు బేసి సంఖ్య గల ఏడాదిలోనే విజయాలను సాధించింది. అయితే ఆ సంప్రదాయాన్ని చెరిపేయాలని ఈ సీజన్ను ఓ సవాల్గా తీసుకుని తాము ఆడినట్లు చెప్పాడు జయవర్ధనే. ఈ ఏడాది ఐపీఎల్లో రోహిత్ శర్మ సారథ్యంలోని ముంబయి ఇండియన్స్ ట్రోఫీని సొంతం చేసుకుంది. దీంతో లీగ్ చరిత్రలోనే అత్యధికంగా ఐదు సార్లు కప్ను గెలుచుకున్న ఏకైక జట్టుగా నిలిచింది.
ఇదీ చూడండి : 'టీ20 ప్రపంచకప్నైనా ముంబయి గెలిచేస్తుంది'
